चाडबाड खर्च नपाएपछि सिन्धुली अस्पतालका करार चिकित्सकले मन्त्रालय गुहारे

३० मंसिर, काठमाडौं । तलब र चाडबाड सुविधा नपाएको भन्दै सिन्धुली अस्पतालका छात्रवृत्ति करारका चिकित्सकले मन्त्रालयसँग गुहार मागेका छन् ।

स्वास्थ्य तथा जनसंख्या मन्त्रालयलाई पत्र लेख्दै अस्पतालमा कार्यरत १४ जना चिकित्सक तथा स्वास्थ्यकर्मीले पारिश्रमिक उपलब्ध गराइदिन माग गरेका हुन् ।

यो वर्षको असोज महिनादेखि हालसम्मको पारिश्रमिकका साथै दसैं-तिहार खर्च सुविधान नपाएको चिकित्सकहरूको गुनासो छ ।

तलब र सुविधा प्राप्त नगर्दा दैनिक गुजरा चलाउनसमेत कठिन भएको उनीको भनाइ छ ।