२०८० फागुन ९ गते १९:०१ 
९ फागुन, काठमाडौं ।आयोजक लोयल्टी ‘बी’ र काष्ठमण्डप १२ औं लोयल्टी कप यु–१३ अन्तरविद्यालय छात्र फुटबल प्रतियोगितामा बुधबार सेमिफाइनलमा प्रवेश गरेका छन् ।
लोयल्टी ‘बी’ ले ब्रम्हकुञ्जलाई टाइब्रेकरमा ३–२ गोलले पराजित गर्यो । निर्धारित समयको खेल २–२ गोलको बराबरीमा टुंगिएको थियो ।
काष्ठमण्डपले काभ्यालाई ६–१ को फराकिलो गोलअन्तरले हरायो । काष्ठमण्डपका विशांक कार्कीले ह्याट्रिक गरे भने साहस ढकाल र सुप्रिम बोहराले १–१ गोल थपे । एक गोल आत्माघाती थियो ।
पिस प्वाइन्ट र चेल्सी वल्र्ड स्कुलले पनि सेमिफाइनलमा स्थान सुरक्षित गरे । पिस प्वाइन्टले नेपाल पुलिस स्कुललाई ३–१ गोलले पाखा लगायो । पिस प्वाइन्टका हिमाल थिङले ह्याट्रिक गरे ।
पुलिसका सुदिप तामाङले १ गोल फर्काए । चेल्सीले इस्टपोललाई टाइब्रेकरमा ३–२ गोलले पन्छायो । निर्धारित समयको खेल २–२ गोलको बराबरीमा सकिएको थियो ।
सेमिफाइनलमा चेल्सीको भेट पिस प्वाइन्टसंग हुनेछ भने लोयल्टी ‘बी’ ले काष्ठमण्डपको सामना गर्ने छ । दुवै सेमिफाइनलमा बिहीबार हुनेछ ।
प्रतिक्रिया 4