ठाकुरमोहनमाथिको आक्रमण आपराधिक घटना : राजेन्द्र लिङ्देन

२७ फागुन, काठमाडौं । राप्रपाले कार्यसम्पादन समिति सदस्य ठाकुरमोहन श्रेष्ठमाथि भएको आक्रमण आपराधिक घटना भएको बताएको छ ।

साथै यसमा संलग्नलाई कारबाही गर्न प्रहरीलाई आग्रह गर्ने निर्णय गरेको छ ।

पार्टी कार्यालय, धुम्बाराहीमा बसेको कार्यसम्पादन समितिको बैठकबाट निस्किने क्रममा श्रेष्ठमाथि कुटपिट भएको थियो । राप्रपा अध्यक्ष लिङ्देनका अनुसार पार्टीले यसलाई आपराधिक घटना भएको निष्कर्ष निकालेको छ ।

उाले भने, ‘यसमा अनुसन्धान गरेर कारबाही गर्न प्रहरीलाई आग्रह गर्ने निर्णय भएको छ ।’

यो घटनाको पार्टी बैठकमा भएको छलफलसँग कुनै सम्बन्ध नभएको समेत उनले दाबी गरे ।