११० वर्षका भिनसेन्ट : आफ्नो काम आफैं गर्छन्, अझै चलाउँछन् गाडी

अमेरिकाको न्युजर्सी बस्ने ११० वर्षीय भिनसेन्ट ड्रान्सफिल्ड बिहानपख आफैं कार चलाएर कफी पिउन र लन्चका लागि क्याफे जान्छन् । उनको स्वास्थ्यमा कुनै ठूलो समस्या छैन सामान्य घुँडा दुख्नेबाहेक ।

दोस्रो तल्लामा रहेको आफ्नो कोठासम्म उनी सजिलै जान्छन् । आफनो लुगा पनि आफैं धुन्छन् । यतिसम्म कि उनी कसैमा पनि निर्भर नभई घरमा एक्लै बस्छन् । उनलाई कुनै मद्दतको खाँचो पर्दैन । साताको एकपटक नाति-नातिना उनलाई घरमा चाहिने सामान लिएर भेट्न आउँछन् ।

उनलाई अहिले पनि यो उमेरमा कस्तो अनुभव हुँदो रहेछ भन्ने प्रश्नमा उनको जवाफ हुने गर्छ- ‘म बक्सिङ खेल्न तयार छु । म सबै कुरा राम्रोसँग व्यवस्थापन गर्न सक्छु । गाडी राम्रोसँग चलाउँछु ।’

उनी नातिनी ड्रान्सफिल्ड एरिका पनि हजुरबाले सुरक्षित र राम्रोसँग गाडी चलाएको देख्दै आएको बताउँछिन् । परिवार, साथीभाइ र उनलाई परीक्षण गर्ने चिकित्सक पनि उनको स्वस्थ दीर्घायु देखेर चकित छन् । यो उमेरमा पनि कसैको सहारा विना स्वस्थ जीवन जिउनु पक्कै पनि आश्चर्य लाग्ने कुरा हो ।

यति सक्रिय हुनुको रहस्य उनले सार्वजनिक गरेका छन् । ताकि अरुलाई पनि प्रेरणा मिलोस् ।

आफूलाई मन लागेको कुरा गर्नुहोस्

भिनसेन्टले ८० वर्षसम्म अग्नि नियन्त्रणमा स्थानीय सहायक भए काम गरे । एकजनामा उनी त्यसमा प्रमुखको भूमिका पनि थिए । लामो जीवनको रहस्य के छ, जीवनमा के कुराले खुसी मिल्छ भनेर सोध्दा उनी भन्छन्- ‘अग्नि नियन्त्रण विभाग नै मेरो खुसी हो । मैले धेरै साथी त्यहीं भेटें । मेरो त्यो पेसा जागिर मात्र थिएन, मेरो मनले खाएको काम थियो ।’

उनले आफ्नो ११० वर्षको जन्मदिन पनि अग्नि विभागमै  मनाए । उनकी नातिनी लिस्टाका अनुसार बुढयौली अवस्थामा पनि उनी दैनिक काम गर्थे र तीन घण्टा हेल्थ क्लबमा जान्थे ।

‘हजुरआमाको मृत्यु भएपछि दैनिक तीन घण्टा क्लबमा बिताएपछि अग्नि विभाग जान्थे, जहाँ बूढापाका भेला भई मस्ती पनि गर्थे,’ उनी सुनाउँछिन् ।

उनले आफ्नो जीवनको ८० वर्षभन्दा बढी अग्नि विभागमा योगदान दिएका छन् । ड्रान्सफिल्ड रिटायर्डपछि पनि त्यही काम गर्न चाहन्थे । तर उनकी श्रीमतीले आराम गर्ने समय आयो भनेर जान दिइनन् ।

यो पनि पढ्नुहोस

५ टिप्स, जसले दीर्घ जीवन बाँच्न मद्दत गर्छन्

दूध पिउँदा शरीर बन्छ

लामो र स्वस्थ जीवन हुनुमा एउटा दैनिक दूध पिउनुलाई मान्छन् भिनसेन्ट । उनले घरको आर्थिक अवस्था बुझेर आठ कक्षामा पढाइ छाडेर डेरी फार्ममा काम गर्न गए । पाँच वर्षसम्म दूध वितरण गर्ने काम पनि गरे । त्यो अवधिमा दूध पनि चाहे जति खान पाए ।

ती दिन स्मरण गर्दै उनी भन्छन्, ‘मैले फार्ममा काम गरेकाले दूध राम्रोसँग खाइरहेको थिएँ । म प्रायः त्यहीं बेलाबखतमा गएर सोच्छु उनीहरूले मेरो विकास हुन लागेको शरीरको लागि दुध पिउन दिएर मेरो हड्डीहरू बलियो भए ।’

ब्रेकफास्टपछि दैनिक दूध पिउँदा उनको आयु बढिरह्यो । उनी १०० वर्ष पुगेपछि जहाँ गए पनि सबैलाई दूध पिउन सुझाव दिन थाले ।

सक्रिय रहनु

भिनसेन्टले कहिले पनि भारी तौल उठाउन जिम गएनन् । तर जीवनभर उनी हिंड्ने, कुद्ने, घरमा काम आफैं गर्ने गरिरहे ।

‘म २१ वर्षको हुँदा अग्नि नियन्त्रण विभागमा भर्ना भएँ । जसकारण युवा उमेरमै व्यायाम गर्ने बानी बस्यो, अलार्म बन्द हुनेबित्तिकै दिनहुँ बिहान दौडिन्थे । त्यसरी ४० वर्ष चल्यो,’ उनी सुनाउँछन्, ‘त्यसपछिको ४० वर्ष मन लागेको र सकेको बेलामा दौडिन्थें ।’

जे खान्छौं त्यसमा रमाऔं

भिनसेन्टले लामो र स्वस्थ जीवनको सूत्र अर्को भनेको खानेकुरा खाँदा रमाएर आनन्द लिएर खानुलाई मान्छन् । उनलाई इटालियन खानेकुरा, ह्यामबर्गर, सलाद, मिल्क चक्लेट र अन्य मिठाइ पनि खान्थे । दैनिक एक कप कफी पिउँथे भने उत्सवहरुमा बियर पनि । तर अन्य खालको मदिरा उनी लिंदैनथे ।

आफ्नो खानपानमा पटक्कै ध्यान नदिने लिस्टा बताउँछिन् । ‘हजुरबुबा जे मन लाग्छ, त्यही खान्थे । आफ्नो शरीरको वजनमा कहिले उनको ध्यान गएन । तर पनि उनको तौल घटाउनुपर्ने दिन आएन । उनी सदाबहार फिट छन्,’ लिस्टा भन्छिन् ।

एक फायर फाइटर साथीले चुरोट प्रस्ताव गरेपछि ५० वर्षको उमेरबाट भिनसेन्टले धुम्रपान गर्न थाले । त्यसपछिको २० वर्षसम्म उनले धुम्रपान गरेर छाडे । त्यसपछि उनले फेरि कहिल्यै धुम्रपान गरेनन् ।

सकरात्मक रहनु

भिनसेन्ट आफूलाई आशावादी मानिस भन्न रुचाउँछन् । ‘हजुरबुबाको बौद्धिक क्षमता निकै राम्रो छ ।  जस्तै कि टोलको हरेक व्यक्तिको नाम उहाँलाई थाहा छ,’ लिस्टा सुनाउँछिन् ।

मान्छे चिन्न र सबैलाई माया बाँड्न पनि आयु बढिरहेको जस्तो भान हुने भिनसेन्ट बताउँछन् । ‘उहाँ सधैं यस्तो सकारात्मक सोच राख्नुहुन्छ । उहाँ हजुरआमाकै लागि बाँच्नुभयो । तर मेरी हजुरआमा बितेपछि पनि यो स्वभाव बदलिएन । उहाँ आफू सकरात्मक सोच राखेर बाँच्न कटिबद्ध हुनुहुन्थ्यो,’ लिस्टा भन्छिन् ।

आफू सकारात्मक रोच राख्ने र केही गलत हुँदा पनि कुनै अन्य तरिका नसोच्ने व्यक्तिमा पर्ने भिनसेन्ट बताउँछन् ।

सकारात्मक दिमाग र तन्दुरुस्त शरीरले ठूला रोगहरूले उनलाई छुन सकेन । ‘म मेरो जीवनकालमा धेरै भाग्यशाली छु,’ उनी भन्छन्, ‘म राम्रो काम गरिरहेको छु । र, आशा छ कि ईश्वरले मलाई त्यसरी नै राख्छन् ।’

टुडे डटकमबाट

यो पनि पढ्नुहोस

स्वस्थ र दीर्घ जीवनका लागि यी १० खानेकुराबाट टाढै रहनुहोस्