२०८१ साउन १७ गते १८:४४ 
१७ साउन, काठमाडौं । भुटानको थिम्पुमा बिहीबार सुरु काभा बिच भलिबल च्याम्पियनसिपमा नेपालको महिला टोली विजयी भयो भने पुरुष टोली पराजित भएको छ ।
भुटानको थिम्पुस्थित चाङ्लिमिथाङ नेशनल स्टेडियममा बिहीबार भएको खेलमा कमला पुन र मनिषा चौधरीको जोडीले उज्वेकिस्तानलाई २१–१७, २१–१५ को सेटमा हरायो ।
बिहीबार भएको पुरुषतर्फको खेलमा राष्ट्रिय टिमका कप्तानसमेत रहेका मानबहादुर श्रेष्ठ र दिलबहादुर सुनारको जोडी माल्दिभ्सको टिम ए सँग २१–१६, २१–१५ ले पराजित भयो ।
तीन दिन चल्ने च्याम्पियनसिपमा पुरुषतर्फ १० र महिलामा ७ टोली सहभागी छन् ।
नेपालबाट महिला र पुरुष दुवैमा एक-एक टोली सहभागी छन् ।
प्रतिक्रिया 4