२०८१ कात्तिक १७ गते २०:५४ 
१७ कात्तिक, काठमाडौं । आईसीसी क्रिकेट विश्वकप लिग टु अन्तर्गत अमेरिकामा भइरहेको सिरिजको आफ्नो तेस्रो खेलमा नेपालले घरेलु टोली विरुद्ध पहिले बलिङ गर्ने भएको छ ।
डालासस्थित ग्राण्ड प्रेरी स्टेडियममा हुने खेलमा नेपालले टस जितेर बलिङ रोज्दै अमेरिकालाई पहिले ब्याटिङको निम्तो दिएको छ ।
यसअघि पहिलो खेलमा नेपाल अमेरिकासँग ३ विकेटले पराजित भएको थियो । त्यसपछि नेपालले स्कटल्याण्डलाई ५ विकेटले पराजित गरेको थियो ।
नेपाली टोली स्कटल्याण्ड विरुद्धको प्रदर्शनलाई निरन्तरता दिँदै अमेरिका विरुद्ध पहिलो खेलमा व्यहोरेको हारको बदला लिने लक्ष्यमा छ । स्कटल्याण्ड विरुद्ध खेलेकै टोलीलाई अमेरिका विरुद्धको खेलमा निरन्तरता दिइएको छ ।
प्रतिक्रिया 4