+

दुई हार व्यहोरेको विराटनगर जितको प्रतिक्षामा, लुम्बिनीको कस्तो होला सुरूवात ?

२०८१ मंसिर  १९ गते ७:०१ २०८१ मंसिर १९ गते ७:०१
दुई हार व्यहोरेको विराटनगर जितको प्रतिक्षामा, लुम्बिनीको कस्तो होला सुरूवात ?

१९ मंसिर, काठमाडौं । नेपाल प्रिमियर लिग (एनपीएल) को तेस्रो दिन चौथो खेलमा लुम्बिनी लायन्स र विराटनगर किंग्सबीच प्रतिस्पर्धा हुँदैछ । खेल टीयू अन्तर्राष्ट्रिय क्रिकेट मैदान, कीर्तिपुरमा दिउँसो १ बजे सुरु हुनेछ ।

मंगलबार लगातार दोस्रो हार व्यहोरेको विराटनगरले लगातार दिनमा दोस्रो खेल खेल्न लागेको हो  । लुम्बिनी लायन्सले आफ्नो पहिलो खेल खेल्दैछ ।

यस खेललाई राष्ट्रिय टिमका दुई कप्तानबीचको खेलका रूपमा हेरिएको छ । लुम्बिनीका रोहित पौडेल हाल राष्ट्रिय टिमको कप्तान हुन् त्यसैगरी विराटनगरका सन्दीप राष्ट्रिय टिमको पूर्वकप्तान हुन् ।

विराटनगर लगातार हारको सिलसिलाबाट मुक्त हुन चाहन्छ भने लुम्बिनी पहिलो खेलमै जितका साथ दाबेदारी प्रस्तुत गर्ने लक्ष्यमा हुनेछ ।

पहिलो खेलमा हार व्यहोरेपछि विराटनगरका प्रशिक्षक केभिन ओ ब्रायनले पहिलो खेलका गल्तीहरूबाट पाठ सिकेर अबका खेलहरूमा राम्रो गर्दै जाने बताएका थिए ।

त्यसैगरी मंगलबार भएको दोस्रो खेलपछि सन्दीपले भनेका थिए, ‘आज पनि हामीले चाहेजस्तो नतिजा ल्याउन सकेनौं । दिपी दाई अनि टिमले राम्रो खेलेको हो ‘ ।

यता लुम्बिनी भने पहिलो खेल खेल्दै छ । लुम्बिनीमा रोहितसँगै राष्ट्रिय टोलीका सन्दिप जोरा र विवेक यादव पनि हुनेछन् । बेन कटिङ, साद बिन जफर, टम मूर्स, रामोन सिमोण्ड्स र उन्मुक्त चन्दजस्ता खेलाडीहरूको उपस्थितिले टिम थप बलियो हुनेछ ।

विराटनगरले लगातारको हारको सिलसिलामा ब्रेक लगाउनका लागि कप्तान सन्दीप लामिछानेले पनि कप्तानी प्रदर्शन गर्नुपर्ने हुन्छ । उनी दुई खेलमा विकेटविहीन छन् ।

त्यसैगरी टप अर्डरले पनि राम्रो खेल्नुपर्ने हुन्छ । पहिलो खेलमा मार्टिन गप्टिलले अर्धशतक बनाउँदा अन्यले राम्रो प्रदर्शन गरेनन् जसकारण विराटनगर १११ रनमा समेटिएको थियो ।

दोस्रो खेलमा मार्टिनको ब्याट नचल्दा विराटनगरले १०० रन पनि बनाउन सकेन । दुवै खेलमा विराटनगरको ब्याटिङ गप्टिलमा मात्र निर्भर भएको देखिन्थ्यो । निकोलस किर्टनले पनि ब्याटिङबाट दुवै खेलमा योगदान दिन सकेका छैनन् ।

पहिलो खेल जितेर सुखद सुरूवात गर्ने योजनामा लुम्बिनी हुनेछ । लुम्बिनीले गप्टिललाई रोक्न अनुभवी बलर बेन कटिङ वा रामोन सिमोण्ड्सको प्रयोग गर्न सक्छ । त्यसैगरी स्पीनमा साद बिन जफर, सुर्य तामाङ र कप्तान रोहित आफैं हुनेछन् ।

ब्याटिङमा अर्जुन साउद, आशुतोष घिरैया, सन्दीप जोरा, कप्तान रोहित र बिबेकले राम्रो गर्नुपर्ने हुन्छ । त्यस्तै उनीहरूलाई बेन कटिङ, मूर्स वा उन्मुक्तले पनस साथ दिनेछन् ।

खेल : लुम्बिनी लायन्स भर्सेस् विराटनगर किंग्स

मिति र समय : १९ मंसिर, दिउँसो १ बजे

स्थान : टीयू अन्तर्राष्ट्रिय क्रिकेट मैदान, कीर्तिपुर

विराटनगर किंग्स सम्भावित ११ : मार्टिन गप्टिल, लोकेश बम, निकोलस किर्टोन, बसिर अहमद, राजेश पुलामी, प्रतिश जिसी, सन्दीप लामिछाने, क्रिस सोल, अनिल खरेल, जितेन्द्र मुखिया, सुबास भण्डारी, इस्मत आलम

लुम्बिनी लायन्स सम्भावित ११ : आशुतोष घिरैया, अर्जुन साउद, रोहित पौडेल, टम मूर्स/उन्मुक्त चन्द, सन्दीप जोरा, बेन कटिङ, बिबेक यादव, साद बिन जफर, सुर्य तामाङ, रामोन सिमोण्ड्स, दुर्गेश गुप्ता

नेपाल प्रिमियर लिग

धेरै कमेन्ट गरिएका

लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय