+
+

पूर्वउपराष्ट्रपति पुन राजनीतिमा फर्कने निर्णयको माओवादीभित्रै विरोध

अध्यक्ष प्रचण्डको प्रतिवेदनमाथिको छलफलमा भाग लिँदै पूर्वमन्त्रीसमेत रहेका नेता सुदन किरातीले भने : १२ हातको सरस्वतीलाई तीन हातको मन्दिरमा नराखौँ

अनलाइनखबर अनलाइनखबर
२०८१ पुष २२ गते १५:१३

२२ पुस, काठमाडौं । पूर्वउपराष्ट्रपति नन्दबहादुर पुन ‘पासाङ’ राजनीतिमा फर्कने निर्णयको नेकपा माओवादी केन्द्रको केन्द्रीय समिति बैठकमै विरोध भएको छ ।

बैठकको दोस्रो दिन सोमबार अध्यक्ष पुष्पकमल दाहाल प्रचण्डको प्रतिवेदनमाथिको छलफलमा भाग लिँदै पूर्वमन्त्रीसमेत रहेका माओवादी नेता सुदन किरातीले पूर्वउपराष्ट्रपति पुन राजनीतिमा फर्कने कुराले राम्रो सन्देश नदिएको बताएका हुन् ।

‘उपराष्ट्रपति बनिसकेको व्यक्ति पुनः सक्रिय राजनीतिमा फर्कन लागेको खबरले राम्रो सन्देश गएको छैन,’ किरातीले बैठकमा भने, ‘१२ हातको सरस्वतीलाई तीन हातको मन्दिरमा नराखौँ ।’

उनले अध्यक्षको प्रतिवेदन समग्रमा राम्रो रहेको भन्दै कार्यान्वयनमा जोड दिए । उनले प्रचण्ड नेतृत्वको अघिल्लो सरकारले गरेका राम्रा काम र अहिले केपी शर्मा ओली नेतृत्वको सरकारले गरेका खराब कामलाई जनताको बीचमा पुर्याएर स्थापित गर्नुपर्ने धारणासमेत राखेको एक केन्द्रीय सदस्यले अनलाइनखबरलाई जानकारी दिए ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?