२०८१ पुष २४ गते १८:२९ 
२४ पुस, काठमाडौं । आईसीसी यू-१९ महिला टी२० विश्वकपमा नेपालले वेष्टइन्डिज र अमेरिकासँग अभ्यास खेल खेल्ने भएको छ । नेपाल क्रिकेट संघ (क्यान) का अनुसार नेपालले विश्वकपअघि दु२ अभ्यास म्याच खेल्ने भएको हो । जसमा नेपालले पहिलो अभ्यास खेल वेष्ट इन्डिजसँग जनवरी १३ मा खेल्नेछ भने अमेरिकासँग जनवरी १५ मा खेल्नेछ ।
पहिलो पटक यू-१९ महिला टी२० विश्वकपमा छनोट भएको नेपाल समूह डी मा छ । नेपाल रहेको समूहमा अष्ट्रेलिया, बंगलादेश र स्कटल्याण्ड छन् । नेपालले जनवरी १८ मा बंगलादेशसँग पहिलो खेल खेल्नेछ । यस्तै जनवरी २० मा स्कटल्याण्ड र जनवरी २३ मा अष्ट्रेलियासँग खेल्नेछ ।
जनवरी १८ देखि फेब्रुअरी २ सम्म मलेसियामा हुने आईसीसी यू-१९ महिला टी२० विश्वकपमा १६ टिमको सहभागिता छ । टिमलाई चार समूहका विभाजन गरिएको हो । हरेक समूहको शीर्ष तीन टोली सुपर सिक्समा प्रवेश गर्नेछ ।
क्यानले पुजा महतोको कप्तानीमा १५ सदस्यीय टोली घोषणा गरिसकेको छ ।
प्रतिक्रिया 4