२०८१ पुष २५ गते २०:५४ 
२५ पुस, काठमाडौं । कप्तान अनिता बस्नेतले ह्याटिक गरेपपछि एपीएफले एन्फा महिला राष्ट्रिय लिगको सुपर लिगमा बिहीबार नेपाल पुलिस क्लबलाई ६-० ले पराजित गरेको छ । विभागीय डर्बीमा फराकिलो जितपछि एपीएफ शीर्ष स्थानमा उक्लेको छ ।
सातदोबाटोस्थित एन्फा कम्प्लेक्स मैदानमा भएको खेलमा एपीएफलाई फराकिलो जित दिलाउन कप्तानले अनिताले ह्याट्रिक गर्दा सरु लिम्बुले दुई तथा रेनुका नगरकोटेले एक गोल गरे ।
लगातार तीन खेल जितेको एपीएफले तीन खेलबाट ९ अंक जोडेर शीर्ष स्थानमा पुगेको हो । पहिलो हार व्यहोरेको पुलिस ७ अंकसहित तेस्रोमा छ ।
पहिलो हाफमा दुई गोल गरेको एपीएफले दोस्रो हाफमा चार गोल थपेको थियो ।
प्रतिक्रिया 4