२०८३ वैशाख ३० गते १६:५२ 
News Summary
Generated by OK AI. Editorially reviewed.- आईसीसीले अध्यावधि गरेको ओडीआई ब्याटिङ वरियताको शीर्ष १०० मा नेपाली ब्याटर आसिफ शेख र दीपेन्द्रसिंह ऐरी परेका छन् ।
- दीपेन्द्रसिंह ऐरी अलराउन्डर वरियतामा २८औं स्थानमा छन् भने बलिङ वरियतामा सन्दीप लामिछाने ४२औं स्थानमा छन् ।
- आसिफ शेखले ओमानविरुद्ध ९४ रन बनाएका थिए र दीपेन्द्रले यूएईसँगको दोस्रो खेलमा शतक बनाएका थिए ।
३० वैशाख, काठमाडौं । नेपाली ब्याटरद्वय आसिफ शेख र दीपेन्द्रसिंह ऐरी आईसीसीको एकदिवसीय (ओडीआई) ब्याटिङ वरियताको शीर्ष १०० मा प्रवेश गरेका छन् ।
आईसीसीद्वारा अपडेट गरिएको नयाँ वरियता अनुसार आसिफ शेख ९३औं स्थान र दीपेन्द्रसिंह ऐरी ९९औं स्थानमा रहेका छन् ।
यसअघि अलराउन्डर र बलिङ वरियतामा राम्रो स्थानमा भए पनि ब्याटिङतर्फ भने शीर्ष १०० मा पर्न सकेका थिएनन् ।
घरेलु मैदानमा भएको आईसीसी क्रिकेट विश्वकप लिग-२ अन्तर्गत यूएई र ओमानसँगको त्रिकोणात्मक सिरिजमा उत्कृष्ट प्रदर्शन गरेसँगै उनीहरूको वरियतामा सुधार आएको हो ।
दीपेन्द्रले उक्त सिरिजमा २ अर्धशतक र १ शतकको मद्दतले उत्कृष्ट इनिङ खेलेका थिए भने आसिफले पनि ओमानविरुद्ध ९४ रनको शानदार पाली खेलेका थिए ।
यस सिरिजमा गरेको उत्कृष्ट प्रदर्शनका कारण दीपेन्द्रसिंह ऐरी ओडीआई अलराउन्डर वरियतामा पनि सुधार गर्दै २८औं स्थानमा उक्लिएका छन् ।
प्रतिक्रिया 4