२०८१ माघ २३ गते २१:०० 
२३ माघ, काठमाडौं । दोस्रो विश्वविद्यालय खेलकुद प्रतियोगिताको पहिलो दिन ७ स्वर्णको छिनोफानो हुँदा त्रिभुवन विश्वविद्यालय ४ स्वर्ण, ३ रजत र २ कास्यसहित अगाडि रहेको छ ।
यस्तै सुदुरपश्चिमले २ स्वर्ण, १ रजत र १ कास्य पदक प्राप्त गरेको छ । मध्यपश्चिमले १ स्वर्ण प्राप्त गर्दा काठमाडौंले २ रजत तथा १ कास्य हात पारेको छ ।
गण्डकीले १ रजत र २ कास्य जित्दा पुर्वाञ्चलले २ रजत पदक प्राप्त गरेको छ । यस्तै पोखराले एक रजत पदक हात पारेको छ ।
दुई विश्वविद्यालयले पहिलो दिन कुनै पदक जित्न सकेका छैनन् । अब दोस्रो दिन बिहीबार १२ स्वर्णको टुंगो लाग्नेछ ।
प्रतिक्रिया 4