२०८१ फागुन ४ गते १९:५५ 
४ फागुन, काठमाडौं। बुटवल लुम्बिनी एफसीले नेपाल सुपर लिग (एनएसएल) को तेस्रो संस्करणको लागि थप दुई खेलाडी रिटेन गरेको छ ।
बुटवल लुम्बिनीले क्याटेगोरी बी बाट निराजन धामी र सरोज तामाङलाई रिटेन गरेको जनाएको छ ।
युवा फरवार्ड निराजनले केही समयअघि राष्ट्रिय टिमबाट डेब्यु गरेका थिए । यस्तै डिफेण्डर सरोज हाल एनआरटीबाट फुटबल खेलिरहेका छन् ।
बुटवल लुम्बिनीले राष्ट्रिय टिमका मिडफिल्डर मनिष डाँगीलाई नयाँ मार्की प्लेअर को रुपमा नियुक्त गरिसकेको छ भने दोस्रो संस्करणको एरिक विष्टलाई पनि रिटेन गरेको छ ।
आगामी चैत १६ गते सुरु हुने एनएसएलको तेस्रो सिजनका लागि बुटवल लुम्बिनीले तीन खेलाडी रिटेन गर्नुका साथै मार्की प्लेअर पनि नियुक्त गरिसकेको छ ।
तेस्रो संस्करणको लागि खेलाडीको अक्सन यही फागुन १० गते हुँदैछ ।
प्रतिक्रिया 4