काठमाडौं । नेपाल टेलिकमले आफ्नो एनटीटीभी प्लाटफर्ममा धमाधम १ रुपैयाँमा नेपाली फिल्मको स्ट्रिमिङ गर्न थालेको छ । गतमहिना पहिलोपटक १ रुपैयाँमा प्रदीप खड्का स्टारर ‘प्रेमगीत ३’ लाई देखाएको थियो ।
चैत २ गते शनिबार दर्शकले स्वस्तिमा खड्का स्टारर ‘चिसो मान्छे’ हेर्न पाउने भएका छन् । अभिनेत्री खड्का टेलिकमको व्यवसायिक दूतमा नियुक्त भएको केही दिनमै उनको शीर्ष अभिनय रहेको फिल्मलाई स्ट्रिमिङ गर्न लागिएको हो ।
दीपेन्द्र के खनाल निर्देशित फिल्मले विदेशबाट ल्याइएको शवलाई सुदुरपश्चिममा पुर्याउन पात्रहरूले गर्नुपरेको संघर्षको कथा भन्छ । कोभिड लकडाउनको सेटिङमा खिचिएको फिल्मले समीक्षकबाट उत्कृष्ट प्रतिक्रिया प्राप्त गरेको थियो ।
यो फिल्ममा स्वस्तिमा खड्का, अर्पण थापा, देशभक्त खनालको शीर्ष भूमिका छ । स्वस्तिमाले सानै उमेरमा विवाह गर्ने सुदुरपश्चिमकी महिलाको भूमिका निर्वाह गरेकी छन् ।
टेलिकमले आफ्नो एनटीटीभी प्लाटफर्ममा कसरी १ रुपैयाँमा फिल्म हेर्न सकिन्छ भन्नेबारेमा समेत सामाजिक संजालबाट जानकारी गराएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4