२०८१ चैत २ गते ७:०५ 
२ चैत, काठमाडौं । लुम्बिनी प्रदेशमा जारी प्रधानमन्त्री कप पुरूष राष्ट्रिय क्रिकेट प्रतियोगितामा आज पनि दुई खेलहरू हुँदैछन् ।
आज सिदार्थ रंगशालामा त्रिभुवन आर्मी क्लब र कोशी प्रदेश खेल्ने छन् भने देउखुरी क्रिकेट रंगशालामा नेपाल पुलिस क्लब र मधेश प्रदेशबीच खेल हुनेछ । दुवै खेलहरू ९ बजे सुरु हुनेछन् ।
त्रिभुवन आर्मी क्लबले हालसम्म खेलेका तीनवटै खेल जितेको छ भने कोशीले तीनवटै खेलमा हार व्यहोरेको छ । सातौं दिनको खेलसम्म आइपुग्दा कोशी अहिलेसम्मको एकमात्र जितविहीन टोली हो ।
त्यस्तै नेपाल पुलिसले पनि तीन खेल नै जितेको छ भने मधेश प्रदेशले २ खेलमा १ जित निकालेको छ ।
अहिलेसम्म ३ खेलमा ३ खेल जितेका दुई टोलीहरू त्रिभुवन आर्मी क्लब र नेपाल पुलिस क्लब समान ६ अंकका साथ अंकतालिकामा शीर्ष २ मा छन् । ४-४ अंक भएका एपीएफ र लुम्बिनी प्रदेश क्रमश: तेस्रो र चौथो स्थानमा छन् ।
मधेश, कर्णाली, सुदूरपश्चिम, गण्डकी र बागमती २-२ अंकसहित क्रमश: पाँचौं, छैंटौं, सातौं, आठौं र नवौं स्थानमा छ्न् । अंकविहीन कोशी १०औं स्थानमा छ ।
प्रतिक्रिया 4