काठमाडौं । कलाकार सौगात मल्ल, आसिफ शाह र गरिमा शर्माको शीर्ष भूमिका रहेको फिल्म ‘जन्ते बाख्रो’को प्रदर्शन मिति घोषणा भएको छ । निर्माताले बिहीबार पोस्टर सार्वजनिक गर्दै २३ जेठमा फिल्म आउने जनाएका हुन् ।
पोस्टरमा ३ जना पात्रलाई चित्रण गरिएको छ । आसिफ र गरिमाको पात्रलाई रोमान्टिक देखाइएको छ । सौगात अर्को कुनाबाट उनीहरूलाई हेरिरहेका छन् । हिमाल देखिने कुनै गाउँको दृश्य यसको परिवेश हो ।
भुइँमा बसेको बाख्रोलाई चस्मा लगाइदिएर रोमान्टिक थिम दर्शाउन खोजिएको छ । बेहुली भित्राउने दिनमा जन्तीलाई खुवाइने भोजलाई ‘जन्तेबाख्रो’ भन्ने चलन छ । कथावस्तु यही विषय वरपर घुम्ने मेकर बताउँछन् ।
सिमोस सुनुवारको निर्देशित फिल्ममा रमा थपलिया, लोकेन्द्र लेखक, कमल देवकोटा, विशाल पहाडी, रुशा न्यौपाने, कुसुम शर्मा, स्नेहा जोशी, समापिका गौतम, कुशल गजमेरको पनि अभिनय छ ।
मुईन इन्टरटेनमेन्टको प्रस्तुति रहने फिल्मको जनरा सोसल कमेडी हो । प्रदीप भारद्धाजको पटकथा र संवाद रहेको फिल्ममा सन्तोष गौतमको लगानी छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4