२४ चैत, काठमाडौं । नारायणगढ–बुटवल सडकको दाउन्ने खण्ड अब यातायात बन्द गरेरै निर्माण गरिने भएको छ ।
यसका लागि २७ देखि ३१ चैतसम्म दिनको ११ देखि ३ बजेसम्म र १ वैशाखदेखि १५ वैशाखसम्म राति ११ देखि बिहान ५ बजेसम्म यातायात रोक्ने निर्णय भएको छ । यसैबीच आयोजनाले यातायात बन्द हुने समयमा सवारीसाधन रोक्ने स्थान सार्वजनिक गरेको छ ।
नारायणघाटबाट बुटवलतर्फ जाने यात्रुवाहक सवारीसाधन होङ्सी सिमेन्ट गेटदेखि दुम्कीबास बजार खण्डसम्म रोक्न पाइने छ । मालवाहक सवारी भने चोरमारा–अरुणखोला खण्डमा रोक्न सकिने भएको छ ।
त्यस्तै बुटवलबाट नारायणघाटतर्फ जाने यात्रुवाहक सवारी भने चिसापानी–बर्दघाट खण्डमा रोक्न पाइने छ । मालवाहक सवारी भने ज्यामिरे–हकुई खण्डमा रोक्न सकिने आयोजनाले जनाएको छ ।
रोकिने सवारीसाधनले सवारी रोक्दा र चलाउँदा कडाइसाथ आफ्नो लेन अनुशासन कायम राख्न र ओभरटेक नगर्न समेत भनिएको छ ।
हेर्नुहोस् सूचना :
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4