२०८१ चैत २९ गते २१:१२ 
२९ चैत, काठमाडौं । अहमद हिजाजीले सानदार ह्याट्रिक गरेपछि काठमाडौं रेजर्सविरुद्ध ३–१ को पुनरागमन जित निकाल्दै धनगढी एफसी नेपाल सुपर लिग (एनएसएल) २०२५ को शीर्ष स्थानमा उक्लिएको छ ।
त्रिपुरेश्वरस्थित दशरथ रंगशालमा भएको खेलमा हिजाजीले पहिलो हाफमा दश मिनेट अन्तरमा ह्याट्रिक गरेपछि धनगढीले पुनरागमन गर्दै ३ अंक जोडेको हो । हिजाजीले यस स्करणमा पहिलो ह्याट्रिक गरेका हुन् ।
जितपछि ४ खेलबाट ८ अंक जोडेको धनगढी समान अंक भए पनि गोल अन्तरमा ललितपुर सिटीलाई पछि पार्दै शीर्ष स्थानमा उक्लिएको छ ।
काठमाडौंको यो दोस्रो हार हो । यस हारपछि काठमाडौंको प्लेअफ पुग्ने यात्रामा धक्का लागेको छ । काठमाडौंले अब चितवनसँग अन्तिम खेल खेल्न बाँकी छ । सो खेल जिते पनि ८ अंक मात्र हुनेछ । यस्तोमा काठमाडौंले अन्य खेलको नतिजा पनि कुर्नुपर्नेछ ।
तस्वीरहरू : चन्द्र आले मगर/अनलाइनखबर
प्रतिक्रिया 4