काठमाडौं । प्रमेश राई र अर्पणा आचार्य ‘भ्वाइस अफ नेपाल’ सिजन ६ को फाइनलिस्ट बनेका छन् । पछिल्लो सप्ताहन्तमा प्रसारित एपिसोडबाट उदय सोताङको समूहबाट आचार्य र राजु लामाको समूहबाट राई अन्तिम ४ मा प्रवेश गरे ।
आउने साता प्रसारण हुने दुई एपिसोडबाट यो सिजनले थप २ जना फाइनलिस्ट पाउनेछ । जसमा खेम सेन्चुरीको समूहबाट प्रोसेस पाण्डे र इन्द्रकला राईमध्ये एक छानिनेछन् ।
मेलिना राईको समूहबाट रोशन राई र सार्थक लामामध्ये एकजना फिनालेमा प्रवेश गर्नेछन् । बैशाख १९ गते शुक्रबार आयोजना हुने फिनालेमा उपाधि विजेताको टुंगो लाग्नेछ ।
अर्कोतर्फ, सुरु हुन लागेको ‘भ्वाइस किड्स’को डिजिटल अडिसन यो सातासम्म खुला छ । लगत्तै ब्लाइन्ड अडिसन सुरु गर्ने तयारी रहेको निर्देशक लक्ष्मण पौडेलले बताए ।
‘भ्वाइस किड्स’को नयाँ संस्करणको कोचमा मेलिना राई र खेम सेन्चुरी निश्चित भैसकेका छन् भने प्रमोद खरेलले निरन्तरता पाउने बलियो सम्भावना छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4