हिपहप स्टार राजाकुमारी नेपालमा, मुस्ताङदेखि पोखरासम्म ‘लक्जरी पर्यटन’ प्रवर्धन गर्दै

काठमाडौं । भारतीय मूलकी विश्वचर्चित अमेरिकी र्‍यापर राजाकुमारी यतिबेला नेपाल भ्रमणमा छिन् । केही भारतीय व्यवसायी, मनोरञ्जकर्तासहितको टिमसहित गतसाता नेपाल आएकी उनी अहिले पोखरामा छिन् ।

उनले केही दिनअघि मुस्ताङको मुक्तिनाथ मन्दिर दर्शन गरिन् । उनको नेपाल आगमनको उद्देश्य नेपाललाई लक्जरी पर्यटनको रुपमा विश्वमाझ चिनाउनु रहेको छ । केही दिनअघि पोखरामा आयोजित पर्यटनसम्बन्धी कार्यक्रममा उनको सहभागिता देखियो ।

मुस्ताङ पुगेर त्यहाँको प्राकृतिक सौन्दर्यमा रमाएकी राजाकुमारीले इन्स्टाग्रामबाट आकर्षक भिडियो र फोटो सेयर गरिरहेकी छन् । मे ७ मा काठमाडौंमा हुने लक्जरी पर्यटनसम्बन्धी कार्यक्रममा सहभागिता जनाउने र सोही दिन वसन्तपुरमा सांगीतिक कन्सर्ट गर्ने कार्यक्रम छ । अमया सोजोन्सको आयोजना र सांग्रिला स्प्रिट्सको सहयोगमा इभेन्ट हुन लागेको हो ।

राजाकुमारीको यो तेस्रो नेपाल भ्रमण हो । सन् २०१७ मा उनले क्लब फरेनहाइटमा प्रस्तुति दिएकी थिइन् भने सन् २०१७ मा पशुपतिनाथको दर्शन गरेकी थिइन् ।

को हुन् राजाकुमारी ?

वास्तविक नाम श्वेता यल्लाप्रगदा राव रहेकी उनलाई संगीतमा राजाकुमारी भनेर चिनिन्छ । उनी भारतीय-अमेरिकी र्‍यापर, गीतकार र गायिका हुन् । उनको जन्म जनवरी ११, १९८६ मा अमेरिकाको क्यालिफोर्नियाको क्लेरमोन्टमा भएको थियो ।

उनी शास्त्रीय भारतीय संगीतलाई हिपहपसँग मिसाएर ‘बोलीहुड’ भन्ने अनौठो शैली सिर्जना गर्नेका लागि परिचित छिन् । उनको परिवार, मूल रूपमा भारतको आन्ध्र प्रदेशबाट आएको थियो, जसले उनलाई पाँच वर्षको उमेरदेखि नै भरतनाट्यम, कुचीपुडी र ओडिसी जस्ता शास्त्रीय नृत्य रूपहरूमा प्रशिक्षण दिँदै भारतीय संस्कृतिसँग बलियो सम्बन्ध स्थापित गर्‍यो ।

५ कक्षामा फ्युजीजको एल्बम ‘द स्कोर’मार्फत हिप-हपलाई पछ्याउन थालेकी उनले किशोरावस्थामा “इन्डियन प्रिन्सेस“ उपनामले फ्रिस्टाइल र्‍यापिङ सुरु गरिन् । फल आउट ब्वायको डबल–प्लेटिनम ‘सेन्चुरीज’ (२०१६ को बीएमआई पप अवार्ड जितेकी) र इग्गी अजालियाको ‘चेन्ज योर लाइफ’ जस्ता हिट गीतमा उनले सह-लेखन गरिन्, जसले २०१५ मा अजालियाको एल्बम द न्यु क्लासिकको लागि ग्रामी मनोनयमा योगदान पुर्‍यायो ।

उनले ग्वेन स्टेफनी, फिफ्थ हार्मोनी, सिद्धु मुसेवाला, नाइफ पार्टी, एआर रहमान जस्ता कलाकारसँग सहकार्य गरेकी छिन् । उनको एकल करियरमा डेब्यू एकल “म्यूट“ (२०१६) र द कम अप (२०१६) र ब्लडलाइन (२०१९) खोजी ईपीहरू समावेश छन् । सन् २०२२ मा, उनले आफ्नो स्वतन्त्र लेबल ‘गड्मदर रेकड्र्स’ स्थापना गरिन् ।