हिमालयन रिइन्स्योरेन्सको नाफा ६ प्रतिशत बढ्यो

News Summary

Generated by OK AI. Editorially reviewed.

हिमालयन रिइन्स्योरेन्सको नाफा ६.२५ प्रतिशतले वृद्धि भएको छ र चालु आर्थिक वर्ष तेस्रो त्रैमाससम्म ९८ करोड ९३ लाख रुपैयाँ नाफा आर्जन गरेको छ।
कम्पनीको खुद प्रिमियम आम्दानीमा वृद्धि भएको छ, जसले नाफामा सकारात्मक प्रभाव पारेको छ।
कम्पनीले आफ्नो पूँजी वृद्धिका लागि हकप्रद र बोनस सेयर योजना अघि बढाएको छ ।

३१ वैशाख, काठमाडौं । हिमालयन रिइन्स्योरेन्सको नाफा ६.२५ प्रतिशत बढेको छ ।

कम्पनीले सार्वजनिक गरेको चालु आर्थिक वर्षको तेस्रो त्रैमासिक वित्तीय विवरणअनुसार साउनदेखि चैत मसान्तसम्म खुद नाफा ९८ करोड ९३ लाख रुपैयाँ छ । गत आर्थिक वर्षको यसै अवधिमा खुद नाफा ९३ करोड ११ लाख रुपैयाँ थियो ।

खुद प्रिमियम आम्दानी बढेसँगै नाफामा सुधार देखिएको हो । खुद प्रिमियम आम्दानी पहिले ३ अर्ब ४९ करोड रुपैयाँ रहेकोमा अहिले ४ अर्ब १८ करोड छ । नाफासँगै प्रतिसेयर आम्दानी सामान्य बढेको छ ।

वार्षिक प्रतिसेयर आम्दानी पहिले १२ रुपैयाँ ४१ पैसा रहेकोमा अहिले १२ रुपैयाँ ६८ पैसा छ । कम्पनीको प्रतिसेयर नेटवर्थ १६१ रुपैयाँ २४ पैसा छ । १० अर्ब ४० करोड रुपैयाँ चुक्ता पूँजी रहेको यस कम्पनीले २० अर्ब पुर्‍याउनुपर्नेछ ।

चुक्ता पूँजी वृद्धिका लागि कम्पनीले हकप्रद र बोनस सेयर रोजेको छ । पूँजी वृद्धि योजना बीमा प्राधिकरणमा बुझाएको छ । कम्पनीले सञ्चित गरेको नाफा १ अर्ब २ करोड रुपैयाँ छ । मंगलबार बजार बन्द हुँदा सेयर मूल्य प्रतिकित्ता ९३७ रुपैयाँ ७० पैसा छ ।