जलेश्वरमा भारतीय टुरिस्ट बसको ठक्करबाट महिलाको मृत्यु

News Summary

Generated by OK AI. Editorially reviewed.

भारतीय टुरिस्ट बसले महोत्तरीको जलेश्वरमा महिलालाई ठक्कर दिँदा मृत्यु भएको छ।
मृत्यु हुनेमा जलेश्वर नगरपालिका सारी निवासी ५० वर्षीया सञ्जु ठाकुर छन्।
प्रहरीले बस र चालकलाई नियन्त्रणमा लिएर अनुसन्धान गरिरहेको छ।

२ जेठ, जाकपुरधाम । महोत्तरीको जलेश्वरमा भारतीय टुरिस्ट बसको ठक्करबाट एक महिलाको मृत्यु भएको छ । मृत्यु हुनेमा जलेश्वर नगरपालिका सारी निवासी ५० वर्षीया सञ्जु ठाकुर छन् ।

जिल्ला प्रहरी कार्यालय महोत्तरीका अनुसार उनलाई शुक्रबार दिउँसो जलेश्वर नगरपालिका- २ स्थित सिनेमा हल चोकमा एमपी १३ पी ७७३३ नम्बरको भारतीय टुरिस्ट बसले ठक्कर दिएको थियो ।

बसको ठक्करबाट गम्भीर घाइते ठाकुरलाई प्रादेशिक अस्पताल जलेश्वरमा प्राथमिक उपचारपछि थप उपचारका लागि जनकपुर स्थित न्यूरो अस्पतालमा लग्दा चिकित्सकले मृत घोषणा गरेका थिए ।

ठक्कर दिने बस र चालकलाई नियन्त्रणमा लिएर अनुसन्धान गरिरहेको जिल्ला प्रहरी कार्यालय महोत्तरीले जनाएको छ ।