२०८२ जेठ ५ गते ७:०७ 
News Summary
Generated by OK AI. Editorially reviewed.- नेपालले आज यूएईसँग खेल्दै आईसीसी महिला टी-२० विश्वकप एसिया छनोटको सुपर थ्रीको पहिलो खेल खेल्नेछ।
- खेलमा जित्नैपर्ने दबाबमा रहेको नेपालले यदि जित्यो भने ग्लोबल छनोटमा स्थान निश्चित हुनेछ।
- यदि यूएई विजयी भएमा नेपालले अर्को खेल जिते पनि पर्याप्त नहुने र अन्तिम खेल निर्णायक हुने छ।
५ जेठ, काठमाडौं । आईसीसी महिला टी-२० विश्वकप एसिया छनोटअन्तर्गत सुपर थ्री को आफ्नो पहिलो खेलमा नेपालले आज यूएईसँग खेल्दै छ ।
अघिल्लो चरणमा पुग्नका लागि नेपाललाई यस खेलमा जित्नैपर्ने दबाब छ । खेल विहान पौने ९ बजेदेखि तेरथाइ क्रिकेट मैदानमा सुरु हुनेछ ।
आइतबार विहान भएको खेलमा थाइल्याण्डले यूएईलाई ५४ रनले हराउँदै ग्लोबल छनोटमा स्थान बनाइसकेको छ । अब नेपाल र यूएईमध्ये एक टोलीले ग्लोबल छनोटमा स्थान बनाउने छन् ।
त्यसकारण सोमबार हुने नेपाल र यूएईबीचको खेल नै निर्णायक हुने भएको छ । उक्त खेलमा दुवै टोली जित्नैपर्ने दबाबमा हुनेछन् । नेपालले यूएईलाई हराएमा एक खेल अगावै ग्लोबल छनोट पुग्ने निश्चित हुनेछ ।
यदि आजको खेलमा यूएई विजयी भएमा नेपालले अर्को खेलमा थाइल्याण्डलाई हराएपनि पर्याप्त हुने छैन । यूएईको ८ अंक हुनेछ र नेपालले थाइल्याण्डलाई जिते पनि ७ अंक मात्र हुनेछ ।
यदि खेल वर्षाले रद्द भएमा भने नेपाल र थाइल्याण्डबीचको अन्तिम खेल निर्णायक बन्ने छ । हाल नेपालको ५ अंक र यूएईको ६ अंक छ । खेल वर्षाले रद्द भएमा नेपाल ६ र यूएई ७ मा हुनेछन् । यस्तोमा थाइल्याण्डलाई हराए नेपाल अगाडि बढ्नेछ ।
प्रतिक्रिया 4