ललितपुर महानगरको १० महिनामा ५३ प्रतिशत बजेट खर्च

News Summary

Generated by OK AI. Editorially reviewed.

ललितपुर महानगरपालिकाले चालु आर्थिक वर्षको १० महिनामा ५३ प्रतिशत खर्च गरेको छ।
सार्वजनिक सुनुवाइमा बजेट खर्च र आन्तरिक आयको लक्ष्यप्रति जानकारी प्रस्तुत गरियो।
वैशाख मसान्तसम्ममा आन्तरिक आयको ४७.८३ प्रतिशत मात्रै असुली भएको बताइयो।

७ जेठ, काठमाडौं । ललितपुर महानगरपालिकाले चालु आर्थिक वर्ष २०८१/०८२ को १० महिनामा ५३ प्रतिशत खर्च गरेको छ । महानगरले चालु आर्थिक वर्षमा ७ अर्ब ४६ करोड ८३ लाख रुपैयाँको बजेट ल्याएकोमा वैशाख मसान्तसम्मा ३ अर्ब ९५ करोड खर्च गरेको हो ।

जसमा चालू खर्चतर्फ २ अर्ब ७८ करोड ८९ लाख बजेट रहेकोमा १ अर्ब ९० करोड ५७ लाख अर्थात् ६८.३३ प्रतिशत खर्च गरेको हो । यस्तै पूँजीगततर्फ ४ अर्ब ६७ करोड ९४ लाख रुपैयाँ बजेट रहेकोमा २ अर्ब ४ करोड ४९ लाख खर्च गरेको जुन ४३.७० प्रतिशत हो ।

महानगरपालिकाले आज गरेको सार्वजनिक सुनुवाइमा उक्त तथ्यांक प्रस्तुत भएको थियो । महानगरले सार्वजनिक गरेको तथ्यांक अनुसार वैशाख मसान्तसम्ममा वार्षिक आन्तरिक आयको लक्ष्य ३ अर्ब ५५ करोड ९६ लाख रुपैयाँ रहेकोमा ४७.८३ प्रतिशत मात्रै असुली भएको छ ।

जुन १ अर्ब ७० करोड रुपैयाँ हो ।