नेसपासँगको एकताबारे छलफल गर्न माओवादी पदाधिकारी बैठक जारी

News Summary

Generated by OK AI. Editorially reviewed.

नेकपा माओवादी केन्द्रको पदाधिकारी बैठक काठमाडौंमा बसिरहेको छ।
बैठकले नेपाल समाजवादी पार्टीसँगको पार्टी एकता बारे छलफल गरिरहेको छ।
अध्यक्ष यादवले एकता प्रक्रिया अवैधानिक भएको टिप्पणी गरेका छन्।

१२ जेठ, काठमाडौं । नेकपा माओवादी केन्द्रको पदाधिकारी बैठक बसिरहेको छ । नेपाल समाजवादी पार्टी (नेसपा) सँगको पार्टी एकताबारे छलफल गर्न माओवादी केन्द्रको बैठक बसिरहेको हो ।

नेसपा र माओवादी केन्द्रबीच पार्टी एकता गर्ने लिखित सहमति २०८० चैत ३ गते भएको थियो ।

तर अध्यक्ष यादव एकताका लागि पछि हटेको भन्दै सहअध्यक्ष श्रेष्ठ अघि बढेर पार्टी पुनर्गठन गरेको घोषणा गरेका हुन् । र, आज अध्यक्ष महिन्द्र राय यादवलाई छाडेर श्रेष्ठ नेतृत्वको टिमले माओवादी केन्द्रसँग एकता घोषणा गर्दैछ । श्रेष्ठले २९ जना केन्द्रीय कार्यकारिणी सदस्यमध्ये १७ जना र १६० जना केन्द्रीय समिति सदस्यमध्ये ९९ जना आफ्नो पक्षमा रहेको दाबी गरेका छन् ।

अध्यक्ष महिन्द्र राय यादवले भने गंगानारायण श्रेष्ठको कदम अवैधानिक भएको भन्दै उनी एकता नभई पार्टी प्रवेश गर्न लागेको टिप्पणी गरेका छन् ।