पुलमा भ्वाङ परेपछि अवरुद्ध यातायात डाइभर्सन बनाएर खोलियो

News Summary

Generated by OK AI. Editorially reviewed.

धादिङको थाक्रे गाउँपालिका–७ स्थित सोताङ खोलाको पुलमा भ्वाङ परेपछि यातायात पूर्णरुपमा बन्द भएको थियो।
बागमती प्रदेश ट्राफिक कार्यालयका प्रमुख नरेशराज सुवेदीले वैकल्पिक बाटो बनाएर यातायात सञ्चालन सुरु भएको जानकारी दिए।
पुलमा भ्वाङ परेपछि पृथ्वी राजमार्ग बन्द हुँदा यात्रु अलपत्र परेका थिए ।

१३ जेठ, धादिङ । धादिङको थाक्रे गाउँपालिका–७ स्थित सोताङ खोलाको पुलमा भ्वाङ परेपछि ठप्प भएको यातायात पुनः सञ्चालनमा आएको छ ।

पुलमुनि डाइभर्सन बनाएर वैकल्पिक बाटो तयार गरी यातायात पुनः सञ्चालन गरिएको बागमती प्रदेश ट्राफिक कार्यालयका प्रमुख तथा एसपी नरेशराज सुवेदीले जानकारी दिए ।

पुलमा भ्वाङ परेपछि पृथ्वी राजमार्ग पूर्णरुपमा बन्द भएको थियो । गन्तव्यतर्फ हिँडेका यात्रु अलपत्र परेका थिए । अहिले आलोपालो गरेर दुवैबाट यातायात संचालन गरिएको एसपी सवेदीले बताए । उनले सुरुमा एम्बुलेन्सलगायत अत्यावश्यक सेवाका गाडीहरू पठाइएको जानकारी दिए ।

पुलमा भ्वाङ परेर यातायात अवरुद्ध भएपछि वारितर्फका गाडी वारि नै र पारीतर्फका सवारीहरू पारी नै अलपत्र परेका थिए ।