८ वर्षीया विनिता क्षेत्री ‘ब्रिटेन्स गट ट्यालेन्ट’को फिनालेमा

News Summary

Generated by OK AI. Editorially reviewed.

बेलायतको ‘ब्रिटेन्स गट् ट्यालेन्ट’ शोको फिनाले शनिबार हुनेछ।
विनिता क्षेत्रीले उत्कृष्ट नृत्य प्रस्तुति दिएर फिनाले प्रवेश गरेकी हुन्।
उनीले जितेपछि प्रिन्स र प्रिन्सेसको घर किन्ने इच्छा व्यक्त गरेकी छन्।

काठमाडौं । ८ वर्षिया नेपालीभाषी बालिका विनिता क्षेत्री बेलायतको लोकप्रिय टेलिभिजन रियालिटी शो ‘ब्रिटेन्स गट् ट्यालेन्ट’को फिनालेमा प्रवेश गरेकी छन् ।

बेलायतको समयानुसार आउने शनिबार बेलुकी ७ बजे शोको ग्राण्ड फिनाले हुँदैछ । सेमीफाइनलमा प्राप्त पब्लिक भोट र सानदार प्रस्तुतिसँगै उनी फिनालेमा प्रवेश गरेकी हुन् ।

अडिसनको बेला शोका चारै जजले उभिएर सम्मान व्यक्त गरेका थिए । उनले कन्टेम्पोररी र एक्रोब्याटिक शैलीमा नृत्य प्रस्तुति दिएकी थिइन् । लचकदार शरिरमार्फत उनले जसरी प्रस्तुति दिइन्, प्रस्तुतिमा चारै जजले मुक्तकण्ठले प्रशंसा गरेका थिए ।

‘ब्रिटेन्स गट ट्यालेन्ट मेरो सपनाको मञ्च हो र म जित्न चाहन्छु’ प्रस्तुति दिनुअघि शोमा आउनुको कारणबारे जजहरूले उनलाई सोधेका प्रश्नमा उनको जवाफ थियो, ‘यो जितेपछि म प्रिन्स र प्रिन्सेस बस्ने घर किन्न चाहन्छु ।’ उनको यो बालसुलभ जवाफलाई समेत निकै रुचाइयो ।

भारतको पूर्वोत्तर आसामकी बालिका विनिता बुवासँगै यतिबेला लण्डनमा छिन् । जादूकार ह्यारी मौल्डिङ, सांगीतिक समूह ‘हियर आवर भ्वाइस’ र नृत्यांगना जस्मिन राइससहित विनिता टपटेन फाइनलिस्ट बनेकी हुन् । विजेताले २ लाख ५० हजार पाउण्ड प्राप्त गर्नेछ ।