१४ जेठ, काठमाडौं । स्थानीय बजारमा लसुनको भाउ घटेको छ । कालीमाटी फलफूल तथा बजार विकास समितिको तथ्यांक अनुसार बुधबार लसुनको भाउ घटेको हो ।
आज नेपाली लसुनको मूल्य किलोमा १४ रुपैयाँ घटेको छ । मंगलबार कालीमाटी बजारमा लसुन प्रतिकिलो १९० रुपैयाँमा किनबेच भएको थियो । आज भने लसुनको प्रतिकिलो मूल्य १७६ रुपैयाँ कायम छ ।
यस्तै चाइनिज लसुन भने प्रतिकिलो २ सय ६० रुपैयाँमा कारोबार भइरहेको छ । वैशाख अन्तिम साता बजारमा नेपाली लसुन प्रतिकिलो २ सय ९० रुपैयाँमा किनबेच भएको थियो ।
चालु आर्थिक वर्ष २०८१/८२ को १० महिना (साउन–वैशाख) अवधिमा नेपालमा साढे ६ अर्ब रुपैयाँभन्दा बढीको लसुन आयात भएको छ । आयातित लसुनमध्ये ६ अर्ब ५० करोड २३ लाख २० हजार रुपैयाँको ४ करोड ९३ लाख २७ हजार ३ सय ६७ किलो लसुन चीनबाट मात्रै आयात भएको छ ।
नेपालमा पछिल्लो समय लसुन आयात अस्वाभाविक भएको तथ्यांकले देखाउँछ । धेरै परिमाण आयात हुँदा पनि चाइनिज लसुनको भाउ खासै घटेको देखिँदैन ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg)
.jpg)
प्रतिक्रिया 4