जेठ १५ लाई गणतन्त्रको उत्सव मनाउने दिन बनाऔं: एमाले महासचिव

बजेट प्रस्तुत गर्ने दिन बदल्नु पर्ने महासचिव पोखरेलको भनाइ

अनलाइनखबर

२०८२ जेठ १४ गते १६:३४

News Summary

Generated by OK AI. Editorially reviewed.

नेकपा (एमाले) का महासचिव शंकर पोखरेलले जेठ १५ मा बजेट प्रस्तुत गर्न नहुने बताए।
उनले उक्त दिन गणतन्त्रको उत्सव मनाउनुपर्ने भन्दै संविधान संशोधन गर्न तयार हुनु पर्ने बताए ।
पोखरेलले अन्य राजनीतिक दलसँग सहमति जुटाएर संविधान संशोधन गरेर मिति परिवर्तन गर्न सकिने बताए ।

१४ जेठ, काठमाडौं । नेकपा (एमाले)का महासचिव शंकर पोखरेलले बजेट प्रस्तुत गर्ने दिन बदल्नु पर्ने बताएका छन् । जेठ १५ गणतन्त्रको उत्सवको दिन भएकाले त्यस दिन बजेट ल्याउन नहुने उनको भनाइ छ ।

पार्टी केन्द्रीय कार्यालय च्यालसमा आयोजित पत्रकार सम्मेलनमा महासचिव पोखरेलले जेठ १५ मा सरकारले नै विशेष कार्यक्रम गरेर गणतन्त्रको उत्सव मनाउनु पर्ने बताए ।

‘१५ जेठ भनेको नेपाली जनता सार्वभौम भएको दिन हो । यो दिनको महत्व जनतालाई दर्शाउँदै सरकारले उत्सवका रूपमा मनाउनुपर्छ । त्यसैले यो दिन बजेट प्रस्तुत गर्ने संवैधानिक व्यवस्था बदल्नु उपयुक्त हुन्छ,’ उनले भने ।

पोखरेलले अन्य राजनीतिक दलहरूसँग पनि सहमति जुटाएर संविधान संशोधन गरी बजेट ल्याउने मिति फेर्न एमाले तयार रहेको बताए ।