२०८२ जेठ १६ गते १३:५५ 
News Summary
Generated by OK AI. Editorially reviewed.- मदन भण्डारी फाउन्डेसन गोकर्णेश्वरले गणतन्त्र दिवसको अवसरमा कराते प्रतियोगिता आयोजना गरेको छ।
- योङ हार्ट्स स्कुल गोकर्णेश्वरले प्रथम स्थान हासिल गर्यो र ७ स्वर्ण पदक जित्यो।
- प्रतियोगितामा ३० विद्यालय/डोजोका ४६० खेलाडीले भाग लिएका थिए।
१६ जेठ, काठमाडौं । मदन भण्डारी फाउन्डेसन गोकर्णेश्वरले गणतन्त्र दिवसको अवसर पारेर आयोजना गरेको प्रतियोगिताको उपाधी योङ हार्ट्स स्कुल गोकर्णेश्वरले जितेको छ।
कुल ३० स्वर्ण पदकका लागि भएकोमा प्रतिस्पर्धामा योङ हार्ट्सले ७ स्वर्ण २ रजत र ४ कास्य पदक जित्दै टिम प्रथम भयो भने, ५ स्वर्ण २ रजत र ४ कास्य सहित बौद्ध डोजो दोस्रो, ४ स्वर्ण २ रजत र ३ कास्य सहित उत्तरबाहिनी डोजो तृतीय भयो।
योङ हार्ट्सका लागि एरिन्ज थोकर,निशा तामाङ,प्राश्ना के सी, मिलन मगर, बरदान मोक्तान,टीकामाया जिम्मी,समीर घलानले स्वर्ण पदक दिलाए,भने देबआशिष् खड्का र इभान्जेलिना बस्नेत रजत पदकमा सीमित भए।
मदन भण्डारी फाउन्डेसन गोकर्णेश्वरको आयोजनामा शङ्खडोल कराते हल गोकर्णेश्वरमा भएको प्रतियोगितामा उपत्यका भित्रका ३० स्कुल/डोजोका ४६० जना खेलाडीको सहभागिता रहेको थियो।
बिजयी खेलाडीहरु लाई गोकर्णेश्वर नगरपालिका मेयर दिपक कुमार रिसाल,वडा न ५ का अध्यक्ष नारायण बहादुर सुवेदी,प्रतियोगिताका संयोजक श्रीकुमार श्रेष्ठ,मदन भण्डारी फाउन्डेसन गोकर्णेश्वरका अध्यक्ष केशब प्रसाद सिङ्खडा शंखडोल कराते एकेडमी प्रमुख शिवराम कारन्जित लगायतले मेडल तथा प्रमाणपत्र बितरण गरेका थिए।
प्रतिक्रिया 4