राप्रपाले बोलायो केन्द्रीय कार्यसम्पादन समितिको आकस्मिक बैठक

फाइल तस्वीर

News Summary

Generated by OK AI. Editorially reviewed.

राष्ट्रिय प्रजातन्त्र पार्टी (राप्रपा)ले १८ जेठ काठमाडौंमा आकस्मिक बैठक बोलाएको छ।
बैठक राजसंस्था पुनर्स्थापना र हिन्दू राज्यको माग राख्ने आन्दोलनसँग सम्बन्धित छ।
पक्राउ परेका सांसद दिपक सिंह र अध्यक्ष कमल थापा लगायतको विषयमा छलफल हुने अपेक्षा छ।

१८ जेठ, काठमाडौं । राष्ट्रिय प्रजातन्त्र पार्टी (राप्रपा)ले केन्द्रीय कार्यसम्पादन समितिको आकस्मिक बैठक बस्ने भएको छ ।

राजसंस्था पुनर्स्थापना र हिन्दू राज्यसहितको माग राखेर भइरहेको आन्दोलनको क्रममा आफ्ना सांसद दिपक सिंह, राप्रपा नेपालका अध्यक्ष कमल थापा लगायत पक्राउ परेपछि राप्रपाको आकस्मिक बैठक बोलाइएको हो ।

बैठक केहीबेरमै बस्ने प्रवक्ता मोहनकुमार श्रेष्ठले अनलाइनखबरलाई जानकारी दिए ।

गत १५ जेठदेखि जारी राजावादी प्रदर्शनमा निषेधित क्षेत्र तोड्न खोज्दा थापासहित ८ जना पक्राउ परेका थिए ।

केहीबेरपछि प्रहरी परिसर काठमाडौं पुगेका सांसद सिंहलाई प्रहरीले त्यहीँबाट पक्राउ गरेको छ ।

राजावादीको प्रदर्शनका क्रममा आइतबार प्रदर्शनकारी र प्रहरीबीच झडप भएको थियो । सो क्रममा प्रहरीले ७ जनालाई नियन्त्रणमा लिइएको थियो ।

राजावादीहरूले १५ जेठदेखि काठमाडौंमा प्रदर्शन गरिरहेका छन् । उनीहरूका अनुसार यो प्रदर्शन अनिश्चित समयसम्म हुने बताइएको छ ।