जब वाईसीएल सम्मेलनकै गेटमा पुगे राजावादी

News Summary

Generated by OK AI. Editorially reviewed.

काठमाडौंको कमलादीस्थित नेकपा माओवादी केन्द्रको तेस्रो राष्ट्रिय सम्मेलन चलिरहेको छ।
सोमबार साँझ राजावादी समूहको जुलुस हिँड्दा केहीबेर तनावपूर्ण अवस्था बन्यो, अहिले अवस्था सामान्य भएको छ।
हिमानी ट्रष्टले नारायणहिटी दरबारभित्र राजपरिवारका सदस्यहरूको स्मृतिमा दीप प्रज्वलनको कार्यक्रम गरेको हो।

१९ जेठ, काठमाडौं । काठमाडौंको कमलादीस्थित नेकपा माओवादी केन्द्रको भ्रातृ संगठन वाईसीएल नेपालको तेस्रो राष्ट्रिय सम्मेलन चलिरहेको छ ।

उक्त सम्मेलनबाट नयाँ नेतृत्वका लागि खुला र बन्दसत्र चलिरहेको छ ।

यहीबीचमा सोमबार साँझ सोही क्षेत्र हुँदै राजावादी समूहको एउटा जुलुस निस्कियो ।

कमलादीस्थित गणेश मन्दिरमा हिमानी ट्रष्टले आयोजना गरेको कार्यक्रममा सहभागी हुन त्यो जुलुस हिँडेको थियो ।

त्यही बीचमा वाईसीएल नेपालका नेता, कार्यकर्ताहरूबीच केहीबेर तनावपूर्ण अवस्था बन्न पुग्यो ।

जिल्ला प्रहरी परिसर, काठमाडौंका एसपी अपील राज बोहराका अनुसार, केहीबेर अवस्था तनावपूर्ण भए पनि अहिले अवस्था सामान्य भइसकेको छ ।

‘वाईसीएल नेपालको सम्मेलन चलिरहेको ठाउँबाट राजावादी समूहको प्रदर्शन गएको रहेछ,’ बोहराले अनलाइनखबरसँग भने, ‘केहीबेर अवस्था तनावजस्तो बने पनि अहिले सामान्य छ ।’

हिमानी ट्रष्टले २०५८ जेठ १९ गते साँझ नारायणहिटी राजदरबारभित्र मारिएका तत्कालीन राजपरिवारका सदस्यहरूको स्मृतिमा नारायणहिटी दरबारभित्रै दीप प्रज्वलनको कार्यक्रम गरेको हो ।

तस्वीरहरू : चन्द्रबहादुर आले/अनलाइनखबर