२१ जेठ, काठमाडौं । निर्वाचन आयोगले महिन्द्र राय यादव नेतृत्वको नेपाल समाजवादी पार्टी (नेसपा)लाई बाबुराम भट्टराई नेतृत्वको नेसपा (नयाँशक्ति)को झण्डा र लोगो अनधिकृत रुपमा प्रयोग गरेको भन्दै अब उप्रान्त त्यसो नगर्न सचेत गराएको छ । यदि गरेमा प्रचलित कानुन बमोजिम कारबाही गर्ने चेतावनी पनि आयोगले दिएको छ ।
नेसपाका महासचिव रमेश प्रसाद यादवले जारी गरेको एक विज्ञप्तिमा आफ्नो झण्डा र लोगो दुरुपयोग गरिएको भन्दै नेसपा नयाँशक्तिले निर्वाचन आयोगमा निवेदन दिएको थियो ।
सो निवेदनको आधारमा आयोगले नेसपा महासचिव यादवलाई नै सम्बोधन गरेर पत्र पठाउँदै राजनीतिक दल सम्बन्धी ऐन २०७३ को दफा ९ को विपरीतको काम नगर्न भनेको हो ।
बाबुराम भट्टराई नेतृत्वको तत्कालीन नेसपाले पार्टी गतिविधि गरेको भन्दै महिन्द्र राय यादवसहितका नेताहरुलाई २०८१ असार २ गते निष्कासित गरेको थियो । त्यसपछि यादवले नेसपा नामबाट गतिविधि गर्दै आएका छन् ।
बाबुराम नेतृत्वको नेसपा नयाँशक्ति भने निर्वाचन आयोगमा दर्ता छ । हाल नेसपा नयाँशक्ति र नेसपाबीच आधिकारिकता सम्बन्धी विवाद चलिरहेको छ ।
निर्वाचन आयोगले दल दर्ता अभिलेखमा रमेश प्रसाद यादव नेसपा नयाँशक्तिको महासचिव लगायत केन्द्रीय समितिको कुनै पनि पदमा नभएको भन्दै नेसपा नयाँशक्तिको झण्डा र लोगो प्रयोग नगर्न भनेको छ ।
हेर्नुहोस् निर्वाचन आयोगको पत्र-
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg)
.jpg)
प्रतिक्रिया 4