२०८२ जेठ २६ गते १२:०१ 
News Summary
Generated by OK AI. Editorially reviewed.- नेपाल स्क्वास र्याकेट्स संघले आयोजना गरेको १३ औँ राष्ट्रिय स्क्वास च्याम्पियनशिप जेठ २७ देखि ३१ गतेसम्म काठमाडौंमा हुनेछ।
- प्रतियोगितामा पुरुष र महिला दुवै विधामा बागमती प्रदेशलाई उपाधिको दावेदार मानिएको छ, जसमा नेपालका नम्बर एक खेलाडीहरू सहभागी छन्।
- प्रतियोगिता लिग र नकआउट आधारमा हुनेछ, जसमा ६ प्रदेशका टोलीहरू सहभागी हुनेछन्।
२६ जेठ, काठमाडौं । नेपाल स्क्वास र्याकेट्स संघको आयोजनाा एनएसआरए राष्ट्रिय स्क्वास च्याम्पियन्सीपको १३ औँ संस्करण मंगलबारदेखि हुने भएको छ ।
प्रतियोगिता सातदोबाटोस्थिति नेपाल स्क्वास संघको एकेडमी हलमा जेठ २७ देखि ३१ गतेसम्म हुनेछ । आयोजकले यसिटक इन्डिभिजुयल र टिम इभेन्टमा प्रतिस्पर्धा हुने बताएको छ ।
प्रतियोगितामा पुरुषतर्फ ६ प्रदेशको सहभागिता रहनेछ । सहभागी ६ प्रदेशलाई दुई समूहमा विभाजन गरिएको छ । पुल एमा गण्डकी प्रदेश, लुम्बिनी प्रदेश, मधेश प्रदेश तथा पुल बीमा बागमती प्रदेश, कोशी प्रदेश र कर्णाली प्रदेश रहेका छन् ।
लिग कम नकआउटको आधारमा प्रतियोगिता हुनेछ । हरेक पुलबाट शीर्ष दुई स्थानमा रहने टिम सेमिफाइनलमा पुग्नेछन् । टिम इभेन्टमा हरेक टिममा चार खेलाडी रहेका छन् ।
महिला टिम इभेन्ट्समा बागमती, गण्डकी र कोशी गरी तीन प्रदेशले भाग लिएको छ । महिला टिम इभेन्ट्समा लिग चरणमा शीर्ष स्थानमा रहेको टिम च्याम्पियन बन्नेछ ।
प्रतियोगितामा पुरुष र महिला दुवै विधामा बागमती प्रदेशलाई उपाधिको दावेदारको रुपमा लिइएको छ । पुरुषतर्फ नेपालका नम्बर एक स्क्वास खेलाडी अरहन्त के सिम्ह र पासाङ ब्लोन बागमती प्रदेशमा रहेका छन् ।
यसैगरी बागमती प्रदेशको महिला टिममा पनि नेपालका नम्बर एक विपना ब्लोन र नम्बर दुई स्वस्थानी श्रेठ रहेका छन् ।
प्रतिक्रिया 4