२७ जेठ, काठमाडौं । नेपालबाट अध्ययनमा जाने विद्यार्थीसँगै १ खर्ब १२ अर्ब ४४ करोड रुपैयाँ बराबरको विदेशी मुद्रा विदेशिएको छ । नेपाल राष्ट्र बैंकका अनुसार वैशाख मसान्तसम्म शिक्षातर्फको व्यय सो रकम बराबर देखिएको हो ।
अघिल्लो वर्ष १० महिनामा शिक्षामा १ खर्ब ४ अर्ब रुपैयाँ विदेशिएको थियो । शिक्षा र नेपालबाट विदेश घुमफिरमा जाने नेपालीसँगै १ खर्ब ८५ अर्ब ३ करोड रुपैयाँ विदेशिएको छ । यो अघिल्लो आवको यसै अवधिको तुलनामा १७.९ प्रतिशतले बढेको हो ।
भ्रमणका लागि नेपाल आउने पर्यटकले नेपालमा गरेको खर्च ७५ अर्ब ७१ करोड रुपैयाँ रहेको छ । अघिल्लो वर्ष यो रकम ६९ अर्ब ७३ करोड रहेको थियो । सेवा खाता अन्तर्गत नेपाल भित्रने रकमको तुलनामा विदेशिने रकम माथि छ ।
जसले गर्दा सेवा खाता घाटामा रहेको देखिन्छ । वैशाखसम्म सेवा खाता ८६ अर्ब ५३ करोड रुपैयाँले घाटामा छ । अघिल्लो वर्ष १० महिनामा सेवा आय ५० अर्ब ३१ करोडले घाटामा थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg)
.jpg)
प्रतिक्रिया 4