सुपुष्पाले साइन गरिन् ‘राम नाम सत्य’

News Summary

Generated by OK AI. Editorially reviewed.

माइकल चन्दको डेब्यु निर्देशनमा बन्न लागेको फिल्म ‘राम नाम सत्य’मा अभिनेत्री सुपुष्पा भट्ट अनुबन्धित भएकी छन्।
निर्देशक चन्दले सुपुष्पाको हाइट र अभिनयलाई ध्यानमा राखेर उनीसँग सम्झौता गरेका हुन्।
फिल्मको छायांकन भदौबाट सुरु हुनेछ र यसमा एक्सन, लभ र सस्पेन्स कथामा निर्माण हुनेछ।

काठमाडौं । माइकल चन्दको डेब्यु निर्देशनमा बन्न लागेको कथानक फिल्म ‘राम नाम सत्य’मा अभिनेत्री सुपुष्पा भट्ट अनुबन्धित भएकी छन् ।

भट्टसँग निर्माताले बुधबार लिखित सम्झौता गरे । उनलाई शीर्षमध्येको भूमिकाको लागि अनुबन्धित गरिएको जनाइएको छ । उनको पछिल्लो रिलिज ‘फेरि रेशम फिलिली’ हो ।

यो फिल्मबाट उनले प्रशंसा बटुलेकी थिइन् । सुपुष्पाले आफ्नो भूमिका चित्त बुझ्दो रहेपछि साइन गरेको बताइन् । यो फिल्ममा यसअघि दिब्या रायमाझी पनि अनुबन्धित भैसकेकी छन् ।

सुपुष्पालाई फिल्ममा भित्राएपछि निर्देशक चन्दले भने, ‘हामीलाई सुपुष्पा जस्तै हाइट भएकी अभिनेत्री चाहिएको थियो । उहाँको अभिनय पनि अब्बल छ । कथाले मागे अनुसार नै फिट भएपछि हामीले उहाँलाई अनुवन्धित गरेका हौं ।’

यो फिल्मको ‘लिड मेल’मा यसअघि विराज भट्ट, सुशिल श्रेष्ठ अनुबन्धित भैसकेका छन् । माइकल इन्टरटेन्मेन्ट हाउसको व्यानरमा निर्माण हुन लागेको फिल्ममा उपेन्द्र शाही, श्वेता विमली र उत्तम गुरुङको लगानी हुनेछ । कार्यकारी निर्माता डीआर उपाध्याय, टीआर गौडेल र नरेन्द्र शाह हुन् । छायांकन भदौबाट सुरु गर्ने तयारी निर्माणपक्षको छ । एक्सन, लभ र सस्पेन्स कथामा यो फिल्म निर्माण हुनेछ ।