प्रचण्डसँगको भेटमा सभामुखले सम्झिए टीआरसी

News Summary

Generated by OK AI. Editorially reviewed.

सभामुख देवराज घिमिरेले प्रचण्डलाई टीआरसी विधेयक स्मरण गरी संसद् गतिरोध अन्त्य गर्न आग्रह गरे।
प्रचण्डले सदन खोल्न आफूले सक्दो पहल गर्ने बताए।
विपक्षी दलहरूले भिजिट भिसा प्रकरणमा छानबिन समिति बनाउन सहमति जनाए।

२९ जेठ, काठमाडौं । सभामुख देवराज घिमिरेले नेकपा माओवादी केन्द्रका अध्यक्ष पुष्पकमल दाहाल प्रचण्डलाई टीआरसी विधेयक स्मरण गराएका छन् ।

बिहीबार भएको उनीहरूको भेटवार्ताका क्रममा टीआरसी विधेयक सहमतिमा पास भएको स्मरण गर्दै संसद्मा जारी गतिरोध अन्त्यका लागि भूमिका खेल्न सभामुख घिमिरेले प्रचण्डलाई आग्रह गरेका हुन् ।

टीआरसी विधेयक सम्झाउँदै सभामुख घिमिरेले अहिले पनि बजेट लगायतका विभिन्न विधेयकमाथि समेत छलफल गर्नुपर्ने अवस्थामा सदन खुलाउनुपर्ने बताएका थिए ।

जवाफमा प्रचण्डले आफूले सक्दो पहल गर्ने बताएका छन् । भिजिट भिसा प्रकरणमा गृहमन्त्री रमेश लेखकको राजीनामा माग गर्दै विपक्षी दलहरूले सदन अवरोध गर्दै आइरहेका छन् ।

रास्वपा कार्यबाहक प्रवक्ता मनीष झाका अनुसार, भिजिट भिसा प्रकरणमा छानबिन समिति बनाउन विपक्षी दलहरू सहमत भएका छन् ।

यद्यपि, सत्तापक्षसँग सहमति भने जुटिसकेको छैन ।