२०८२ जेठ ३० गते १३:४६ 
News Summary
Generated by OK AI. Editorially reviewed.- नेपालले १५औं दक्षिण एसियाली शारिरिक सुगठन प्रतियोगितामा १ स्वर्ण र ३ रजत पदक जित्यो।
- उर्मिला श्रेष्ठले महिला फिजिक समूहमा स्वर्ण पदक प्राप्त गरिन्।
- पाँच खेलाडी सहभागी हुँदा चारले पदक जिते।
३० जेठ, काठमाडौं । भुटानको थिम्पुमा सम्पन्न १५औं दक्षिण एसियाली शारिरिक सुगठन प्रतियोगितामा नेपालले उत्कृष्ट प्रदर्शन गर्दै १ स्वर्ण र ३ रजत पदक जितेको छ।
महिला एथलेटिक फिजिक समूहमा नेपालकी उर्मिला श्रेष्ठले स्वर्ण पदक जितेकी हुन् । सोही समूहमा नेपालकै शीला ठकुरीले रजत पदक हात पार्दै दोस्रो स्थान हासिल गरेकी छन्।
पुरुष ५५ केजी तौल समूहमा शरद सुवालले रजत पदक जिते भने पुरुष स्पोर्ट्स फिजिक १७५ सेन्टिमिटर मुनीको समूहमा अवतार श्रेष्ठले पनि रजत पदक जिते।
त्यस्तै, पुरुष स्पोर्ट्स फिजिक १७५ सेन्टिमिटर माथिको समूहमा प्रनिश श्रेष्ठले पाँचौं स्थान प्राप्त गरे।
प्रतियोगितामा नेपालबाट पाँच खेलाडी सहभागी थिए – शरद सुवाल, प्रनिश श्रेष्ठ, अवतार श्रेष्ठ, उर्मिला श्रेष्ठ र शीला ठकुरी। पाँचमध्ये चारले पदक जितेका हुन् ।
टोलीमा अफिसियलका रूपमा दिनेशकुमार राजभण्डारी, व्यवस्थापक सुरेश सुवेदी, प्रशिक्षक रुजेश शाही, निर्णायक दीपेन्द्रकुमार प्याकुरेल तथा सहयोगीमा रमेश श्रेष्ठ र बालमुकुन्द अवाल रहेका थिए।
प्रतिक्रिया 4