२०८२ असार १ गते १५:५५ 
News Summary
Generated by OK AI. Editorially reviewed.- नेपाल ओलम्पिक कमिटीलाई खेल संस्था अन्तर्गत राख्नको लागि प्रस्ताव गरिएको छ।
- युवा तथा खेलकुद मन्त्री तेजुलाल चौधरीले खेलकुद विकास ऐन २०७७ संशोधन गर्न प्रस्ताव गर्नुभएको छ।
- संशोधनले ओलम्पिक कमिटीलाई खेल संस्थाको रुपमा समावेश गर्नुपर्ने उल्लेख गरेको छ।
१ असार, काठमाडौं । नेपाल ओलम्पिक कमिटी (एनओसी)लाई पनि अब खेल संस्था अन्तर्गत नै राख्नका लागि प्रस्ताव गरिएको छ । युवा तथा खेलकुद मन्त्री तेजुलाल चौधरीले खेलकुद विकास ऐन २०७७ संशोधन गर्न पेश गरेको विधेयकमा ओलम्पिक कमिटीलाई पनि खेल संस्थाको रुपमा राख्नुपर्ने उल्लेख गरिएको छ ।
संशोधनका लागि राखिएको विधेयकको २ नं बूँदामा भनिएको छ- राष्ट्रिय खेलकुद विकास ऐन, २०७७ (यसपछि “मूल ऐन” भनिएको) को दफा २ को खण्ड (च) को सट्टा देहायको खण्ड (च) राखिएको छः- “(च) “खेल संस्था” भन्नाले प्रचलित कानून बमोजिम दर्ता भएको खेलकुद सम्बन्धी संस्था, खेल संघ, राष्ट्रिय खेल संघ वा महासंघ सम्झनु पर्छ र सो शब्दले दफा ३७ बमोजिमको ओलम्पिक कमिटी, पारा ओलम्पिक कमिटी वा विशेष ओलम्पिक कमिटीलाई समेत जनाउँछ । “
यसअघिको ऐनमा “खेल संस्था” भन्नाले प्रचलित कानून बमोजिम दर्ता भएको खेलकुद सम्बन्धी संस्था सम्झनु पर्ने उल्लेख छ ।
२०७७ सालमा खेलकुद विकास ऐन जारी भएपछि पहिलो पटक संशोधन आएको हो ।
प्रतिक्रिया 4