२०८२ असार ४ गते १८:१४ 
News Summary
Generated by OK AI. Editorially reviewed.- नेपालले बिलि जिन किङ कपमा बुधबार दोस्रो जित हासिल गरी समूह ‘बी’ मा कतारलाई ३–० ले पराजित गर्यो।
- नेपालले पहिलो खेलमा म्यान्मारलाई २–१ ले जितेको थियो र दोस्रो खेलमा कतारलाई हराएको छ।
- नेपालकी टेनिस खेलाडीहरूले श्रीलंकामा भएको प्रतियोगितामा उत्कृष्ट प्रदर्शन गरेका छन्।
४ असार, काठमाडौं । नेपालले बिलि जिन किङ कपमा बुधबार लगातार दोश्रो जित हात पारेको छ । समूह ‘बी’ को खेलमा नेपालले कतारलाई ३–० ले पराजित गर्यो । पहिलो खेलमा नेपालले म्यान्मारलाई २–१ ले हराएको थियो ।
श्रीलंकाको कोलम्बोमा भइरहेको प्रतियोगिताको पहिलो सिंगल्समा नेपालकी शिभाली गुरुङले दाना खलिफालाई ६–० र ६–२ को सोझो सेटमा पराजित गरिन् ।
दोस्रो सिंगल्समा नेपालकी अभिलाषा विष्टले मुबारका अल नाइमीलाई ७–६ र ६–४ ले हराइन् । डबल्समा नेपालका सुनिरा थापा र स्वस्तिका विष्टको जोडीले हिन्द अल मुदाहका र मुबारकाको जोडीलाई ४–६, ७–५ र ११–९ ले पाखा लगाए ।
समूह चरणको अन्तिम खेलमा नेपालले बिहीबार श्रीलंकासंग खेल्ने टिम अफिसियल समेत रहेका नेपाल टेनिस संघ, तदर्थ समितिका सदस्य अजय विष्टले जनाएका छन् ।
प्रतिक्रिया 4