सिटिजन्स सदाबहार योजनामा असार १३ देखि आवेदन खुल्ने

News Summary

Generated by OK AI. Editorially reviewed.

सिटिजन्स म्युचुअल फन्डको \'सिटिजन्स सदाबहार योजना\' असार १३ देखि आवेदन खुल्नेछ।
अनलाइन प्रणाली मेरोसेयरमार्फत आवेदन दिन सकिनेछ।
योजनाको ५ करोड इकाइमध्ये ४ करोड २५ लाख इकाइ सार्वजनिक रुपमा निष्कासन गर्नेछ।

५ असार, काठमाडौं । सिटिजन्स म्युचुअल फन्डमा असार १३ गतेदेखि आवेदन खुल्ने भएको छ । सिटिजन्स बैंकको कोष प्रवर्द्धनमा सञ्चालन हुन लागेको ‘सिटिजन्स सदाबहार योजना’ खुल्लामुखी हो । कुल ५ करोड इकाइमध्ये ४ करोड २५ लाख इकाइ सार्वजनिक रुपमा निष्कासन हुन लागेको हो ।

अंकित मूल्य १० का दरले न्यूनतम १ सय इकाइका लागि आवेदन दिन सकिनेछ । छिटोमा असार १७ र ढिलोमा २७ गतेसम्म अनलाइन प्रणाली मेरोसेयरमार्फत आवेदन दिन सकिने बिक्री प्रवन्धक तथा योजना व्यवस्थापक सिटिजन्स क्यापिटलले जनाएको छ ।

खुल्लामुखी योजना भएकाले पछि पनि तोकिएका वितरकमार्फत योजना खरिद तथा बिक्री गर्न सकिनेछ । खुलामुखी योजना बजारमा सूचीकृत हुँदैनन् । तोकिएका केन्द्रबाट चाहेको समयमा योजना बिक्री गर्न सकिनेछ ।

संकलित रकमबाट सेयर बजारमा अधिकतम ७५ प्रतिशत, मुद्दती निक्षेपमा १०, कल निक्षेपमा ५ र ऋणपत्रमा १० प्रतिशतसम्म लगानी गर्न सक्ने अधिकतम सीमा रहेको छ ।