२०८२ असार ६ गते १५:०० 
News Summary
Generated by OK AI. Editorially reviewed.- एभरेष्ट महिला भलिबल लिग (इडब्लुभिएल) को दोस्रो संस्करण भदौ २० देखि २८ गतेसम्म आयोजना हुनेछ।
- नेपाल भलिबल संघले मितिलाई स्वीकृति दिएर तयारी अघि बढाएको आयोजकले जनाएको छ।
- गत वर्षको उपाधि कर्णाली यशविसले जितेको थियो।
६ असार, काठमाडौं । एभरेष्ट महिला भलिबल लिग (इडब्लुभिएल) को दोस्रो संस्करण आगामी भदौमा आयोजना हुने भएको छ ।
लिगको दोस्रो संस्करण भदौ २० देखि २८ गते (सेप्टेम्बर ५ देखि १३)सम्म हुने आयोजक इन्फिनिटी ड्रिम्स प्रालिले शुक्रवार प्रेस विज्ञप्तिमार्फत जानकारी दिएको हो ।
इडब्लुभिएल आयोजनाका लागि नेपाल भलिबल संघ (एनभीए)ले उक्त मितिलाई स्विकृति दिइसकेको र त्यसै अनुसार तयारी अघि बढाएको आयोजकले जनाएको छ ।
गत वर्ष पहिलो पटक आयोजना भएको इडब्लुभिएको उपाधि कर्णाली यशविसले जितेको थियो ।
पहिलो संस्करणमा ६ फ्रेन्चाइज टोलीले प्रतिस्पर्धा गरेका थिए ।
प्रतिक्रिया 4