‘दुश्मन हेरेको हेर्‍यै’लाई युट्युबमा १० करोड पटक हेरियो

News Summary

Generated by OK AI. Editorially reviewed.

गीत ‘दुश्मन हेरेको हेर्‍यै’ले युट्युबमा १० करोडभन्दा बढी भ्यूज प्राप्त गरी ग्लोबल ट्रेन्डिङमा परेको हो।
गीतको लोकप्रियताका कारण भारतीय प्रशंसकले हिन्दी संस्करण पनि ल्याएका थिए।
स्पोटीफाईमा यसले कमजोर भ्यूज प्राप्त गरेको छ, जहाँ ५ लाख ७५ हजार पटक हेरिएको छ।

काठमाडौं । दुर्गेश थापाद्वारा संगीतबद्ध गीत ‘दुश्मन हेरेको हेर्‍यै’ले युट्युबमा १० करोड भ्यूज प्राप्त गरेको छ । युट्युबको ग्लोबल ट्रेन्डिङमा समेत परेको यो गीतलाई लोभलाग्दो भ्यूज प्राप्त भएको हो ।

शनिबार राती यो गीतलाई १० करोडभन्दा धेरै पटक हेरिएको हो । नेपालसहित विदेशबाट समेत धेरै हेरिएको यो गीत टिकटक र रिल्समा धेरै भिडियो बनाइने भिडियोअन्तर्गत पर्छ ।

यतिसम्मकी यो गीतको लोकप्रियताकै कारण भारतीय प्रशंसकले हिन्दी संस्करणमा गीत ल्याएका थिए । युट्युब र युट्युब म्युजिकको दुई थरी प्लाटफर्ममा झण्डै डेढ महिनासम्म यो गीत स्ट्रिमिङ भएको थियो ।

दुर्गेशको शब्द र संगीत रहेको गीतमा उनीसहित आनन्द कार्की, समीक्षा अधिकारी र एलिना चौहानको स्वर थियो । गीतको भिडियोमा दुर्गेशसहित प्रियंका कार्की, कविता नेपाली लगायतले अभिनय गरेका थिए ।

तर, विश्व म्युजिकको चर्चित प्लेटफर्म स्पोटीफाईमा भने यसले कमजोर भ्यूज प्राप्त गरेको छ । स्पोटीफाईमा यो गीतलाई अहिलेसम्म ५ लाख ७५ हजार पटक हेरिएको छ ।