News Summary
Generated by OK AI. Editorially reviewed.- वाणिज्य, आपूर्ति तथा उपभोक्ता संरक्षण विभागले काठमाडौंको ब्युटिफुल वाल्स प्रालिलाई २ लाख ६० हजार रुपैयाँ जरिबाना तिराएको छ।
- एमआरपी लेबल नराखेको, रिलेबलिङ गरेको, र गुणस्तर, परिमाण, मूल्य र नापतौलमा हेरफेर गरेको पाइएपछि कारबाही गरिएको हो।
- विभागले १७ वटा उद्योग तथा फर्मको अनुगमन गरी १० कम्पनीलाई कागजात पेश गर्न र ६ कम्पनीलाई व्यावसायिक मापदण्ड पूरा गर्न निर्देशन दिएको छ।
९ असार, काठमाडौं । वाणिज्य, आपूर्ति तथा उपभोक्ता संरक्षण विभागले ब्युटिफुल वाल्स प्रालिलाई साढे २ लाख रुपैयाँभन्दा बढी जरिबाना तिराएको छ ।
विभागले सोमबार नियमित अनुगमन अन्तर्गत काठमाडौं महानगरपालिका–१६ मा रहेको उक्त कम्पनीलाई २ लाख ६० हजार रुपैयाँ जरिबाना तिराएको हो ।
उक्त कम्पनीले आफ्ना उत्पादनमा एमआरपी लेबल नराखेको, रिलेबलिङ गरेको, गुणस्तर, परिमाण, मूल्य र नापतौलमा हेरफेर गरेको पाइएपछि उपभोक्ता संरक्षण ऐन २०७५ को दफा ३८ (ङ) को कसुर र सोही ऐनको दफा ३९ को १ (ख) बमोजिम कारबाही गरिएको विभागले जानकारी दिएको छ ।
विभागले सोमबार १७ वटा उद्योग तथा फर्मको अनुगमन गरेको छ । अनुगमन क्रममा १० कम्पनीलाई उद्योग तथा फर्मलाई ३ दिनभित्र व्यवसायसँग सम्बन्धित कागजात लिई विभागमा उपस्थित हुन निर्देशन दिइएको छ ।
यस्तै ६ वटा कम्पनीलाई सामान्य तथा उपभोक्ता संरक्षण ऐन, २०७५ बमोजिम व्यावसायिक मापदण्ड पूरा गरी व्यापार व्यवसाय सञ्चालन गर्न निर्देशन दिएको छ ।
पछिल्लो समय विभागले बजार पारदर्शी बनाउन र उपभोक्तालाई ठगिनबाट जोगाउन एमआरपी सहितको लेबलले महत्त्वपूर्ण भूमिका खेल्ने भन्दै बजार अनुगमन तीव्र बनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4