News Summary
Generated by OK AI. Editorially reviewed.- नेपाली कांग्रेसका सांसद उदय शमशेर राणाले बागमती र मधेस प्रदेशको बजेट लज्जाजनक रहेको टिप्पणी गरे।
- उनीहरूले संघ सरकारले ल्याएको आगामी आर्थिक वर्षको बजेट व्यवहारिक भएको बताए।
- राणाले एमाले र कम्युनिष्टहरूलाई अर्थतन्त्र कसरी चलाउने भनेर सिकाएको कांग्रेस आफैंले नसिकेको बताए।
१३ असार, काठमाडौं । नेपाली कांग्रेसका सांसद उदय शमशेर राणाले बागमती र मधेस प्रदेशमा कांग्रेस अर्थमन्त्रीले ल्याएको बजेट लज्जाजनक रहेको टिप्पणी गरेका छन् ।
शुक्रबार काठमाडौंमा आयोजित एक कार्यक्रममा बोल्दै उनले कम्युनिष्ट अर्थमन्त्रीले व्यवहारिक बजेट ल्याएपनि बागमती र मधेस प्रदेशको बजेट अर्थतन्त्र बुझ्ने कांग्रेसी नेताहरूका लागि लज्जाजनक रहेको बताए ।
‘दुःखलाग्दो कुरा के छ भने एमालेको अर्थमन्त्रीले अलिकति व्यवहारिक बजेट ल्यायो,’ उनले भने, ‘तर हाम्रो विशेष गरेर दुई वटा प्रदेश बागमती प्रदेश र मधेस प्रदेशमा जुन किसिमले बजेट ल्याएको छ, अलिअलि अर्थतन्त्र बुझ्ने हामी कांग्रेसीहरूले त मुखै छोप्ने परिस्थिति बनेको छ ।’
राणाले संघ सरकारले ल्याएको आगामी आर्थिक वर्षको बजेट ०६४ सालयताका कम्युनिष्ट अर्थमन्त्रीहरूले ल्याएको भन्दा व्यवहारिक भएको टिप्पणी गरे ।
उनले भने, ‘अहिले सायद ०६४ सालपछि बजेट एउटा कम्युनिष्ट अर्थमन्त्रीले ल्याएका छन्, यो अलिकति व्यवहारिक बजेट हो कि भन्ने मलाई लागेको छ । यसले निजी क्षेत्रलाई पनि अलिकति प्रोत्साहन गरेको छ ।’
उनले एमाले र कम्युनिष्टहरुलाई अर्थतन्त्र कसरी चलाउने भनेर सिकाएको कांग्रेस आफैंले नसिककोमा दुःख लागेको बताए ।
‘अलिकति हामीले आफूले आफूलाई हेर्नुपर्छ । कम्युनिष्टहरूलाई अर्थतन्त्र कसरी चलाउने भनेर सिकायौँ, तर हामी आफैँले नसिकेकोमा दुःखलाग्दो भएको छ,’ उनले भने ।
सांसद राणाले तीन करोडको सिलिङ राखेपनि बजेट आउँदा त्यसभन्दा तलका योजनाहरू पनि राखिएकोप्रति आपत्ति जनाए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4