२०८२ असार १६ गते १४:२५ 
News Summary
Generated by OK AI. Editorially reviewed.- राष्ट्रिय खेलकुद नीति २०८२ सोमबार काठमाडौंमा सार्वजनिक भयो।
- मन्त्री तेजुलाल चौधरी र सचिव डा हरि प्रसाद लम्सालले नीति प्रस्तुत गरे।
- यो नीति खेलकुद क्षेत्रमा समावेशीता र व्यवसायीकरणलाई प्राथमिकता दिन्छ।
१६ असार, काठमाडौं । राष्ट्रिय खेलकुद नीति २०८२ सार्वजनिक भएको छ ।
युवा तथा खेलकुद मन्त्रालय सिंहदरबारमा सोमबार आयोजित एक कार्यक्रममा मन्त्री तेजुलाल चाैधरी र सचिव डा हरि प्रसाद लम्सालले खेलकुद नीति सार्वजनिक गरेका हुन् ।
राष्ट्रको खेलकुद नीतिमा सबैलाई समेट्ने प्रयास स्वरुप यो नीति सार्वजनिक भएको सचिव लम्सालले जानकारी दिए । यो नीति गत असार ९ गते मन्त्रीपरिषदबाट पारित भएको थियो ।
मन्त्री चौधरीले नेपालको खेलकुद क्षेत्रमा नीतिगत समन्वय, स्पष्ट अधिकार, पूर्वाधारको समान पहुँच, समावेशी सहभागिता, खेलकुद क्षेत्रको व्यवसायीकरणको खाँचो तीव्र रूपमा महसुस भएकाले यो नीति ल्याइएको बताए ।
‘मुख्य उद्देश्य भनेको संघ, प्रदेश र स्थानीय तहसम्मै प्रस्ट रूपले जिम्मेवारी र समन्वय सहितको मार्ग तयार गर्नु हो’ मन्त्री चौधरीले भने ।
नीतिमा ६ वटा उद्देश्य, १४ वटा नीति, २३ वटा रणनीति र तिनै आधारमा बनाइएको ९२ वटा कार्यनीतिहरू समावेश छन् ।
यो नीति सार्वजनिक भएसँगै यसअघिको खेलकुद नीति २०६७ खारेज भएको छ ।
प्रतिक्रिया 4