News Summary
Generated by OK AI. Editorially reviewed.- वैदेशिक रोजगार विभागले इजरायल जाने पर्खाइमा रहेका ६६ जना नेपालीलाई करार सम्झौताका लागि सम्पर्कमा आउन अनुरोध गरेको छ।
- असार २० र २२ गते विभागको कार्यालयमा उम्मेदवारहरुलाई बोलाइएको छ।
- इजरायलमा युद्धको त्रास कम भएपछि करार प्रक्रिया पुनः अघि बढाइएको हो।
१९ असार, काठमाडौं । इजरायलमा सहायक श्रमिक (केयर गिभर)को रुपमा जान छानिएका ६६ जना नेपालीलाई करार सम्झौताका लागि सम्पर्कमा आउन वैदेशिक रोजगार विभागले अनुरोध गरेको छ ।
इरानसँगको युद्धको त्रास कम भएसँगै इजरायलले ६६ जना नेपालीको सम्झौता पत्र पठाएपछि विभागले भिसा लगायत थप प्रक्रियाका लागि सम्पर्कमा बोलाएको हो ।
वैदेशिक रोजगाार विभागका अनुसार असार २० गते र २२ गते सम्पर्क मिति तोकिएको छ ।
क्रमसंख्या १ देखि ३३ सम्मका उम्मेदवारहरुलाई असार २० गते बिहान साढे १० बजे र ३४ देखि ६६ सम्मका उम्मेदवारहरुलाई असार २२ गते बिहान साढे १० बजे विभागको कार्यालय ताहचल काठमाडौंमा आउन भनिएको छ ।
सम्बन्धित उम्मेदवारहरुबाट सम्झौता गराई पीआईबीए, इजरायल पठाउन एवं भिसा प्रक्रियाका लागि इजरायली दूतावासको कन्सुलर डिभिजनमा समेत पठाइने भएकाले सम्पर्कमा बोलाइएको विभागले जारी गरेको सूचनामा उल्लेख छ ।
वैदेशिक रोजगार विभागका महानिर्देशक कमलप्रसाद भट्टराईका अनुसार इजरायल र इनरानबिच युद्ध चर्किएपछि इजरायल जाने रोकिएको थियो । अहिले युद्धको त्रास कम भएसँगै पुन: करार सम्झौता प्रक्रिया अघि बढेको हो ।
इजरायल जानका लागि छनोट भएका अरु नेपाली कामदारको पनि करार सम्झौतापत्र आउने वैदेशिक रोजगार विभागको विश्वास छ ।
पहिलो लटमा ६०० महिला र ४०० पुुरुष गरी एक हजार जनाको स्वास्थ्य परीक्षण गर्दा ९२३ जना सफल भएका थिए । उनीहरुले पूर्वप्रस्थान अभिमुुखीकरण तालिमसमेत लिईसकेका छन् । उनीहरु इजरायल जाने पर्खाइमा छन् । इजरायल सरकारले करार सम्झौता पठाएपछि भिसा लगायत प्रक्रिया पूरा गरेर उनीहरु इजरायल जान पाउने छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4