२०८२ असार १९ गते १३:२७ 
News Summary
Generated by OK AI. Editorially reviewed.- सिंगापुरले हङकङलाई पराजित गरी यू-१६ इस्ट जोन कपको फाइनलमा प्रवेश गर्यो।
- नेपालले मलेसियालाई जित्दै फाइनलमा स्थान बनाएको छ, र सिंगापुरसँग प्रतिस्पर्धा हुनेछ।
- नेपालले समूह चरणमै सिंगापुरलाई हराइसकेको र यस प्रतियोगिताको साविक विजेता रहेको जानकारी दिइएको छ।
१९ असार, काठमाडौं । नेपाल एसीसी यू-१६ इस्ट जोन कपको उपाधिका लागि सिंगापुरसँग खेल्ने भएको छ । बिहीबार भएको दोस्रो सेमिफाइनलमा हङकङलाई ४ विकेटले हराउँदै सिंगापुर फाइनलमा पुगेको हो ।
हङकङले दिएको १६९ रनको लक्ष्य सिंगापुरले ३८.५ ओभरमा ६ विकेटको क्षतिमा पूरा गर्यो । अब सिंगापुर र नेपालबीच शनिबार फाइनल हुनेछ ।
यसअघि नेपालले पहिलो सेमिफाइनलमा मलेसियामाथि ९ विकेटको सहज जित हासिल गरेको थियो ।
नेपालले समूह चरणको पहिलो खेलमा नै सिंगापुरलाई हराइसकेको छ । नेपाल फाइनलसम्म आइपुग्दा अपराजित छ भने सिंगापुरले नेपालबाहेक सबै टोलीलाई हराएको छ ।
समूह ए को विजेता बलियो टोलीका रूपमा देखिएको हङकङ भने फाइनलमा पुग्न सकेन ।
नेपाल यस प्रतियोगिताको साविक विजेता पनि हो ।
प्रतिक्रिया 4