पक्राउ परेको एक हप्तामै छुटे काठमाडौं भ्यू टावरका ठेकेदार भेटवाल

News Summary

Generated by OK AI. Editorially reviewed.

काठमाडौं भ्यू टावरका ठेकेदार मनोजकुमार भेटवाल १९ असारमा छुटेका छन्।
उनी पक्राउ परेसँगै अस्पताल भर्ना भएका थिए।
स्वास्थ्यको कारण देखाउँदै अदालतले उनीविरुद्ध म्याद थप नगरेको हो।

२२ असार, काठमाडौं । काठमाडौं भ्यू टावरका ठेकेदार मनोजकुमार भेटवाल पक्राउ परेको हप्ता दिनमै छुटेका छन् ।

चेक बाउन्सको उजुरीका आधारमा गत १३ असारमा पक्राउ परेका भेटवाल अदालतले म्याद थप नगरिदिएपछि गत १९ असारमा छुटेका हुन् ।

१३ असारमा पक्राउ परेका भेटवाललाई सोही दिनबाट गणना हुनेगरी १५ असारमा ६ दिनको म्याद थप गरिएको थियो । उनी पक्राउ परेलगत्तै सुटुक्क अस्पताल भर्ना भएका थिए ।

अस्पतालबाटै म्याद थपका लागि जिल्ला अदालत काठमाडौं उपस्थित भएका भेटवाललाई सो दिन म्याद थप नगरिएको जिल्ला प्रहरी परिसर काठमाडौंका एसपी अपील राज बोहराले अनलाइनखबरलाई जानकारी दिए ।

‘स्वास्थ्यको कारण देखाउँदै अदालतबाट म्याद थप भएन । त्यसपछि हामीले केही गर्ने कुरा भएन,’ एसपी बोहराले भने ।

करिब १० करोड रुपैयाँको चेक बाउन्स आरोपमा उनी पक्राउ परेका थिए ।