News Summary
Generated by OK AI. Editorially reviewed.- कृषि मन्त्रालयले देशभर ४१.९ प्रतिशत धान रोपाइँ भएको जानकारी दिएको छ।
- सुदूरपश्चिम प्रदेशमा ८२.८ प्रतिशत धान रोपाइँ भएको छ।
- त्यस्तै मधेश प्रदेशमा सबैभन्दा कम १३.६ प्रतिशत हो।
२२ असार, काठमाडौं । यसवर्ष २२ असारसम्म देशभर कूल ४१ प्रतिशत भन्दा बढी धान रोपाइँ सम्पन्न भएको छ ।
कृषि तथा पशुपन्छी विकास मन्त्रालयले सार्वजनिक गरेको तथ्यांक अनुसार २२ असारसम्म ४१.९ प्रतिशत धान रोपाइँ भएको हो ।
देशभर १३ लाख ९१ हजार ३ सय २१ हेक्टर जमिनमा धान खेती हुने गरेकोमा अहिलेसम्म जम्मा ५ लाख ८० हजार ८ सय ८६ हेक्टर जमिनमा रोपाइँ सकिएको छ ।
गत वर्ष २२ असारसम्म ४३.५ प्रतिशत रोपाइँ भएको थियो ।
प्रदेशगत तथ्यांक हेर्दा सबैभन्दा धेरै सुदूरपश्चिममा ८२.८ प्रतिशत धान रोपाइँ सम्पन्न भएको छ । गत वर्ष २३ असारसम्म सुदूरपश्चिममा ८६ प्रतिशत रोपाइँ सकिएको थियो ।
यसैगरी, कर्णाली प्रदेशमा ७१.७ प्रतिशत, लुम्बिनी प्रदेशमा ५२.१ प्रतिशत, गण्डकीमा ५५.६ प्रतिशत, बागमतीमा ५१.९ प्रतिशत, मधेशमा १३.६ प्रतिशत र कोसी प्रदेशमा २९.५ प्रतिशतमात्र धान रोपाइँ भएको छ ।
यस वर्ष सबैभन्दा कम मधेश प्रदेशमा रोपाइँ भएको छ । अघिल्लो वर्षको २३ असारसम्म मधेशमा २५.५ प्रतिशत रोपाइँ सकिएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4